أحسب الإيام واسامر طويلات الليالي ...

#1 08-25-2008, 03:41 AM

[center]
السلام عليكم ورحمة الله وبركاته :

يسرني أن أنقل إليكم قصيدة غزلية من أبيات أخي الشاعر بنـــــــــــــدر الســلمي (أبو غدير )

يقول فيها

ياحياة عشتها في وقت كان القلب سالي

لاذكرت إيامها لعنتها من ذكريات

أحسب الإيام واسامر طويلات الليالي

وارتجي تصفيلي أيام الليال المقبلات

أنكسر شوك الحياة ووردها الزاهي صفالي

وابدتيت اجني ثمار الحب من بعد الشتات

يوم منهو كنت أشوفه حلم جلسته قبالي

نظرة عيونه لعيني دينيتي هي والحيات

كامل الأوصاف رب الحسن غير ما جرالي

بالكلام الحلو وابهمس العيون الســاحرات

العيون الناعسه من فوقها الرمش الضلالي

والخدود المايسة متبسمه بحلى الشفات

والشعر لاجيت ابوصف بالهوى وشلون مالي

أشقر متحدر فوق المتون الزاهيـــــــــــات

الخجل فيه الدلع مصحوب بشويه دلالي

والقسى فيه اليونه والفقر منها غنـــــــات

من طراوة حكيها بالهرج ماجالي مجالي

وبالسكوت وصمتها بالحيل حبيت السكـــات

مكتمل فيها الحلا ومكمله رب الجلالي

بالادب بالطيب وبكل المحاسن من صفــــات

مارضيت بغيرها والغالية ترفض بدالي

والليال القاسية بعد العنى بالحب جـــــــــــات

حبها في دنيتي هو مكسبي هو راس مالي

لجلها عشت وبعيش العمر لاحد الممـــــــــات

وسلامتكم

#2 08-25-2008, 09:13 AM

وانت سالم ياراضي

الله لايهينك لا أنت ولا أخوك

تقبل مروري

#3 08-26-2008, 01:29 AM

صح اللسان ابو غدير

مشكور على النقل الرائع ياراضي والله يعطيك الف عافيه

تقبل مروري واحترامي

علي الزعبي

#4 10-07-2008, 09:46 PM

مشكور على القصيده وتسلم يد الي كتبها
بس عندي ملاحظه على القصيده ولاتعتبرها نقد انا اشوف ان القصيده ضعيفه في المعنى

#5 10-08-2008, 05:49 AM

صح لسان ابو غدير

وسلمت يمينك يا راضي

اشكرك على الحضور وتميزه

تحياتي لك

اخوك : فهد العبيدي

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

تسجيل دخول