|
#1
11-22-2008, 10:25 PM
|
||||
|
||||
من قصيد الملك عبدالعزيز آل سعود - غفر الله له
الحديث عن الموحد و المؤسس /الملك عبدالعزيز بن عبدالرحمن آل سعود - غفر الله له - لا يكون بموضوع أو كتاب أو مجلد لأن الحديث عنه يطول و الخوض في تفاصيل حياته و صفاته يحتاج إلى مؤلفات كثيرة لتغطي شخصية هذا الرجل .
و لكن هنا الحديث عن الملك الشاعر عبدالعزيز بن عبدالرحمن آل سعود - طيب الله ثراه - الذي تميز شعره بالحماس و بث الروح المعنوية في أكثر القصائد لذا نجد أن أكثر قصائده هي قصائد حربية ... لن أطيل في المقدمة و إليكم بعض القصائد ... قصيدة مميزة تدل عن محبته لنجد : نجـــد بلياليهـا عـن امـثـالهـــا زود _____ لـو كـلهـا عـنـــد الاوادم لـيــالـــي يا اللي ليالي نـجـد بـعـيـونكـم ســود _____ يابعــدكم عن فهـم ســــر الجـمـالـي غيــر الجمال اللي بالانـظار مشهـود _____ احساس خافي بين غالـي وغالـي نجــد بـلياليهـا اللـي هــبــت الـنــود _____ عانـقـت بالـفـكــر النجـوم العـوالي و ادركت معـنى سامي النبل والجود _____ اللي تـمـيــز بـه فـعــول الرجالـي دار الفهــود اللي مناهـيـجهــم كــود _____ اللـي مـنـازلهــم سـنـــام المـعـالـي نجــد الوفا.. نجد العطى ماله حـدود _____ نجـــد المـروه والشمـوخ المثالـي نجد الهوى المصيون عن كل منقود _____ بالعصــر الاول والعصـور التوالـي لي مع لياليهـا مـواثـيـــق و عـهـود _____ العســر منها يسـر المـر و الحالـي و هذه الأبيات قبل استعادة الرياض : يــا دارنــا لا تـرهبـيـن _____ لا بـد مـا نرجـع علـيـك أعطيك أنا العلم اليقين _____ لو نـنـتـحـي لازم نجـيـك و أبيات أخرى : مـن نجـد مـا جانـا خـبـر _____ ينقـل لنـا عـلـم الحـريـب لابــد مـــن يـــومٍ حـمــر _____ و الشمس من عجه تغيب و هذه أبيات أخرى ،، و يقصد بـ " عجيلين " في البيت الثاني ابن عجلان : يــا فـاطـري خـبـي الـجـافـورة _____ مــن ديــرةٍ مـالـي قـعـادٍ فيـهـا إن سلم رأسي جيت ديـرة نـورة _____ الـلـي عجيلـيـن تـومّــر فـيـهـا دعاء بالتوفيق : يالله يالله تـــــدفـــــع الأجــــــــــل _____ تدفـع الـشـر عـنـا و عــن ركايبـنـا و وفق سعدنا في رزقٍ يسرّه عجل _____ لولا الرجا فيك ما حفيـت ركايبنـا كم واحدٍ عند أهـلنـا نحسبـه رجــل _____ فـوق الركايـب نعـدّه مـن مزاهبنـا و هذه قصيدة فيها من التوجد على الماضي و الصمود من أجل إعلاء راية الدين : روّحن مثل القطا صوب الثميله _____ ضمّـرٍ تضفـي عليهـن العبـاتـي ورّدوهن هيـت وأخطـاه الدليلـه _____ والموارد غيـر هيـت مقضباتـي ما ورد في جيشنـا مثل الطويله _____ تورد الضميان لو فيهـا حفاتـي واهني الترف منسـوع الجديلـه _____ ما ضـواه الليـل دون مغرزاتـي قاعدٍ فـى البيـت يبكي عزتي لـه _____ يوم شاف ركاب خلـه مقفياتـي آه من قلبٍ على حامـي المليلـه _____ لا تذكـرت العصـور الماضياتـي عصر من ينطح مقاديم الدبيـلـه _____ لابتي لا جـاء نهـار الموجباتـي دون دين الله نتعـب كـل أصيـلـه _____ نبذل المجهـود دون مخاشياتـي مـن تعبـث بالفرايـض عزتي لـه _____ تقعده حدب السيوف المرهفاتي أبيات تتحدث عن عدم إنتهاء المعارك : مهبول يا قايـلٍ قضـت _____ تـــوّه عـمــر دخـانـهـا يطــرد بها ورعٍ صغيـر _____ و خيلٍ بظهور حصانها إحدى قصائده - غفر الله له - لبث روح الحماس في صفوف الرجال و رفع المعنوية لدى الجميع : عـــدوكـــم قــدامــكــم _____ لابـد مـن علـمٍ يصيـر أمـــا لـهــم وإلا لـكــم _____ عاداتنا نروي الشطير و لا يكون الخمول أثناء الحرب : يا نايم تحـت العريشـة _____ يــا نـاسـفٍ فـوقـه ذرا لا تحسبن النوم عيشة _____ الحـرب زيزومـه سـرا نداء إلى أخوانه الأمير محمد بن عبدالرحمن و الأمير سعد بن عبدالرحمن : يا حيـف يـا خطـو الولـد _____ وش عاد لو يلبس زبون نـادوا محـمـد مــع سـعـد _____ قولـوا يجـون ويركـبـون و هنا ربما كانت هذه آخر قصائده التي يشكر فيها المولى بعد أن مده بالنصر : نحمد المعبـود خـلاق البريـه _____ مدني بالعـز والنصـر المبيـن عز نجد والحرم فـرض عليـه _____ ملك جـدى والجـدود الاوليـن من سلايل فيصل ماحنا نزيه _____ عقب تركي جامع دنيا وديـن تركي المشهور حماى الونيه _____ ساطـي الحديـن حـده ما يليـن 
|
«
الموضوع السابق
|
الموضوع التالي
»
العرض العادي
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
|
الساعة الآن 09:13 PM.
