قيادة المراه للسياره

شكرا لكم جميعا


لتفاعلكم مع الموضوع

المشاركة الأصلية كتبت بواسطة سيف الصادري

قصيدة الشاعر / سيف الصادري

يابنت ي اللي للدركسون تبغين
ماهمتك دينا وحشمه وعاده


ضحكو عليك الغرب قالو تقودين
واثاروا الفتنه محبي الوساده


ترى الهدف بخروج بنت السلاطين
للشارع اللي صار مكثر فساده


من بعد ماكانو يحلمون بالزين
بعيد عنهم مايجي بالنشاده


بدو على رسم الخطط بالميادين
بدو لنا بالنت فاسد مراده


لكن بفضل الله للدار حامين
قضو على شره وهو في مهاده


ثم اعلنو بلاك بيري الوراعين
يجيك رابط ما يراقب مداده


الكل راسه نازلا بين رجلين
اتقول مرضى كلهم فالعياده


لو شبت النيران ماهم بدارين
ما ينفعك ولا يعرف النقاده


وقنواة تعرض شر ويشاف بالعين
الشر فيها افكار مثل القلاده


واليوم قالو يامشاعل يادارين
يا بنت حقك فالحياه القياده


بكره ليا صرتي لوحدك تسوقين
ماهمك الرجال والا عناده


وجن الضعاف مضيعات الفساتين
يبغن من شر اليهود الرياده


لاوالله الايالضعاف المساكين
رحتو طعام اجحوش لاهل الوفاده


كثرة مشاكلكن وصرتن مساجين
واسبابها تبغى الوظيفه حماده


كثر الطلاق ومن سبب ها الملايين
صاحت وصار البيت كله نكاده

والزوج ماله عندها غير ثنتين
و ينفذ اوامر بليا هوادة


ولا تخالط للرجال الغريبين
حتى تنال اعلى الرتب والشهاده


ولا الشرف لاعاد عنه تسالين
اليوم متعلق بغص الكتاده


والدين يحرمنا الفرح والمغنين
ويحرم ان لوي يحب غاده


ياهل العقول الراجحه يالشجيعين
تكفون لا تثقل علينا العباده


لايقرب البنزين نار الخفيفين
وتشب نيرانه ونجني رماده


اللي ما يحسبها على العسر واللين
يشوفها قدام يوم السعاده


واللي يقول اصبر وممكن وبعدين
مسكين توه ماصحي من رقاده


نرى الهدف ماهو قيادة نساوين
حربا على الاسلام حرب الاباده


اهما الولد والبنت من يحمل الدين
واليا اخربوهم كيف نلقى الفياده


يالله تكفينا شرور الشياطين
واستر علينا من شرور القياده


واحفظ لنا بناتنا اللي مزايين
اللي شرفهن جاز فيه الشهاده


واحفظ لنا اهل الدين واللي مصلين
قبل نصير في درب كله نكاده

سبف الصادري

قصيده جزله من شاعر جزل بيص الله وجهك

المشاركة الأصلية كتبت بواسطة عبدالله عيفان البقيلي

سبف الصادري

قصيده جزله من شاعر جزل بيص الله وجهك

الشاعر

عبدالله عيفان


شكرا لمروركم الكريم