#1
|
|||
|
|||
افرض احترامك
افرض احترامك
قصيدة للأستاذ مقبول مبارك العرابي 18-11-1433هـ 1- ياوطنا السموحة والعذر كان منا = من جهَل. بالتعصب قصًر البعض منا 2- ندري إن العذر مايرفع اللوم عنا = لكنْ المحترم يفرض عليك احترامه 3- ما يجي بالغثا منا ومنا ومنا = ولا على كل طرق ينوش لحمتك غنى 4- في عزازك وعزك من غلا ماتونى = ودايم المحترم يفرض عليك احترامه 5- ساس مبداك ساسه . لبس عزك لباسه = ناسك أهله وناسه .روسك تشوش راسه 6- نظرته فوق به غيرة ونبل وحماسة = ودايم المحترم يفرض عليك احترامه 7- مايدور مراجل بالعبث عند ناسه = الغلا والنزاهة وين ما كان ساسه 8- همه أنت أول وعقدك يزيد بْه ماسة = ودايم المحترم يفرض عليك احترامه 9- ياجماهير يا نقاد دام الرياضة = فن وأخلاق ليه البعض فيهم حماضة 10- والبعض مر والا البعض فيهم غراضة = شوفوا المحترم يفرض علينا احترامه 11- غثنا الغث من قدح وغرور وفضاضة = وكل من بالحسد والزيف مالي حياضه 12- ومن يعض بْعضوده وإن جنت مجد غاضه = شوفوا المحترم يفرض علينا احترامه 13- وغثنا من ترك سلم الغلا والمهابة = في سلوكه ولبسه . فالشكل في جوابه 14- عار. الأحرار تفخر بالدشر والخيابة = شوفوا المحترم يفرض علينا احترامه 15- ويا هل الشعر ياشعار عزف الربابة = كيف مايستوي إلا بينكم بالحرابة 16- تنبشون القبور وتجرحون الذيابة = شوفوا المحترم يفرض علينا احترامه 17- جرحكم للمشاعر قلبكم للحقايق = والله إنه بدور الشعر ماهو بلايق 18- الشعر كيف لأهل الكيف والذوق رايق = شوفوا المحترم يفرض علينا احترامه 19- والدرر فالبحر جوف الصدف والذوايق = تعشق اللول وتمج السمج واللفايق 20- يابشر بعدوا عن خيرنا كل عايق = شوفوا المحترم يفرض علينا احترامه |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|