ساره (+) حسين

قصيدة المعلمة ساره يوم شافت حبيبها جاي يسجل بنته:...

يانوره.. بالله اسمعي لاتصدين ... ي بنت حرّ مركزة بالصداره
شي جرى لي قسم القلب قسمين...وابلا ملامه افهمي العباره
بأول دوام المدرسة يوم الاثنين...معلمه في وجه باب الاداره
وقفت بالجنة على سادس اثنين... مثل المجند ينتظر الاشاره
هذي تنادي وهذي ابلة انا وين...زحمة وتو اليوم باول نهاره
اصوت لبنتين وبيدي بنتين...نوره,مضاوي,عايشة,مي,يارا
وسمعت صوت رجع الوقت لسنين... صوت الذي اسمه بنقش السواره
اختي عن اذنك ناقل البنت الحين...تفضلي الاوراق والاستماره
عجزت لا ااجاوب ولا ارمش العين...طول سكوتي وهو طال انتضاره
حسيت كن الدم مثل البراكين... شريان قلبي وصل حد انفجاره
ورفعت راسي وصارت العين بالعين...ولمحت في عينه سواة الشراره
هُوّ.هُوّ والا وآهمه يَ مسلمين...زوله ورقعة حاجبه مع سماره
لا ماتغير فيه يَ كود شيئين...حف الشنب والشيب زاد بـ وقاره
اخر علاقتنا ثلاثه وتسعين...بآول حلاه العمر قبل انكساره
الشاهد الله مَ حصل بيننا شين...ولا يخدش احساس بنت وعذاره
نعم الحبيب اللي الطيب والزين...ونعم الرفيق اللي حفظ حق جاره
يَ وجه ابوي الوجه مرحب وسهلين...لا يَ بعد روح ومعاليق ساره
ودي المه وودي اصيح بس وين...مثل الكسير اللي نشب وسط غاره
مَ يستطيع المشي من دون رجلين...وحوله جنود تشتهر بالشطاره
ياللاسف هالحين صرنا غريبين...حكم القدر واصدر علينا قراره
الهم والغربال والفقد والبين...وانا اسيره تنتظر للزياره
ويلي علي لآماك ويلاه يَ حسين...يَ من يجمعنا واسوق البشاره؟؟
ساره!!وسكت له لحظة كنها سنين...واقفا واشوفه يوم شب الزقاره
رد حسين على قصيدة ساره:-

يَ مرحبا يَ غايتي يَ هلا وين...يَ بنت عودن فيه طيب ونعاره
لآ يَ بعد كل البنات المزايين...يَ فرحت المظلوم يوم انتصاره
من يوم م َغبتي وانا مَ ني بزين...ضايق واحس القلب طال انتضاره
دايم على بالي وانتي تمرين...واقول يفدوها جميع العذاره
لو الليالي ترجع لعشرة سنين...مَ كان شفتي الشيب زاد بوقاره
لآ مَ نسيتك من ثلاثة وتسعين...وشلون بنسى حب واضح مساره
تدرين وش اللي هزني بيوم الاثنين...واللي ذبح قلبي باول نهاره
زولك لمحته يوم كنتي تمشين...بين الصفوف قبال باب الاداره
وفز الخفوق وقلت يَ ربي تعين...هي هي ولآ هي شبيه لساره
جيتك وقلت بنقل البنت هالحين...تفضلي الاوراق والاستماره
طول سكاتك والبلا العين بالعين...ضقت واحس بضغط مدري حراره
وخانتني الدمعه وطاحت من العين...كني طفل يبكي مضيع دياره
بحط بنتي عندك بسادس اثنين...عشان اكثر جيتي بزياره
واليا دخلتي الصف لازم تخشين...اسمي لانه مسجل بسواره
وامانتك انك عليها تخافين...لحدن يضايقها بآية عباره
بصارحك في شيء يمكن تحسين...ان الزمن اقفى علينا قطاره
انا سمعت ان اكبر عيالك حسين...وانتي اكيد انك سمعتي بساره

الله الله


صافيو بصراحة. موقف. ابدعا في تصويرة

وزود كل واحد منهما سّمى على اسم صاحبه


اخي شكرًا على النقل الرائع

وتم نقلها للمنقول

تقبل مروري

اللــــــــــــــه اللـــــــــــــــه عليـــــــــك ابدعـــــت بماانقلــــــــــــــــت رائعه بحق واكثــــر من رائــــــــعه ,,,
لاخلا ولاعدم اخوي صافيـــو ...
تقبلنـي بــود ,,>
وااافــــــــــــــــــــــــي

سلمت اناملك اخوي صافيـــــــو
ع النقـل الاكثـــــــــر من رائــــــــــــع
دمت ودام عطائك

قصيده حزيييييييييييييييينه حييييييييييل


الف شكر لك اخوي هالنوع من القصايد احبه حييييييييييييييل

تحياااااااااااااااااتي

شـكــ وبارك الله فيكم ـــرا لكم ... لكم مني أجمل تحية .
ومنورين الصفحة يالغالين

ذوق راقي ونقل اروع

راقت لي كثيرا

تسلم الأنامل