زعب الكرم والطيب سمحين الاقبال@ متوارثين الطيب ورث(ن) ماهو دين

السلام عليكم ورحمة الله وبركاته

أبيات بسيطه مني في قبيلة زعب العريقه اتمنى ان تنال ولو ربع استحسانكم والمعذررره على التقصير ودمتم بود [poem=font="Arial,6,red,bold,italic" bkcolor="transparent" bkimage="backgrounds/29.gif" border="double,8,limegreen" type=2 line=0 align=center use=ex num="0,black"]
سلام مني فوق ماضين الافعال= تنصى هلا الطالات زعب المسمين
ماني بناسيكم وربي على البال= والعين ماتعلى على حاجب العين
ونعم بكم يازعب رجال رجال= ويزيدني تشريف مدح الشياهين
انتم هلي وربعي وناسي يالبطال= وانا افتخر فالطيبين العريبين
زعب الكرم والطيب سمحين الاقبال= متوارثين الطيب ورث(ن) ماهو دين
ربعي ليا من صك جال(ن) على جال = ونعم بكم يارجال زعب الأصيلين
للبحر سباح(ن) وللخيل خيال = وللمعركه فرسان من زعب شرسين
وانا محمد غيث بالشعر هطال= شاعر ويفتخرون بي الجبارين
شاعر ولي بالشعر منزل ومدخال = وربعي بشعري ياعلم الله فخورين
مااخاوي الخاين ولا حب الانذال= وانتم حشى يازعب جميع وافين
تاريخكم يفرق عن الأمه الحال = والناس تشهد كلبوهاودارين
نبراس جيل وقدوه ال عدة اجيال=وانشهد انكم بالحرايب شجيعين
قصيركم سويتو من اجله اقتال= خمسة عشر عام(ن) بخوض الميادين
انشهد ان شرواكم اليومه أقلال= وان كان به شرواكم انهم قليلين
احبكم فالله محبه اهبال= وانتم عن السلمان منتم غريبين
اجدادكم قد غربو مع بني هلال = للمغرب الأقصى من ارض الحرمين
واللي بقي منكم على نجد نزال= والطيب فيكم له صفات وبراهين
ياربعنا والحق يالربع ينقال= انشهد ان سليم فيكم فخورين
شرفتو السلمان في كل محفال = من طيب معدنكم يوم أنكم نزيهين
وحنا سليم الطيب فينا ولا زال= ومن باسنا يخشون عالم كثيرين
أمعربين الجد والعم والخال= قبيلة(ن)بين العرب ومعروفين
ماهمنا في قيل والا بمايقال= اندوس الأعدى مقبلين ومقافين
وقت الجهل جميعنا نسير جهال = وقت العقل جميع ربعي حكيمين
يشهد لنا التاريخ في ماضي الحال= في يوم بدر واحد ويشهد أحنين
واقولها ماني بخايف ولا ذال= ولاني بجبان(ن) ولا من الرديين
شاعر وصوغ بما الذهب صوغ الامثال= وعسر بيوت الشعر قدامي ايلين
وليا بغيت الشعر مابه أي اشكال= ولوامتي فالشعر لاشك مخطين
وختامها اطلب منكم العذر يارجال= وصلو على محمد شفيع المصلين[/poem]

وسلامتكم [/QUOTE]