قصيده بمناسبة زواج ابن العم / عبدالعزيز سعيد ابن مغلي السلمي

نسيم الشعر لا حول علي وهب نسناسه
يولع نار فكري و اجزل الافكار تشعمها

جزيل القاف في وقت الوعد ياحي هوجاسه
يثير الخاطر المشروح و الجزلات ينظمهاا

ارتبها على كيفي طرب بـ فكار .. حساسه
على هيئة جنيهات الذهب تطري و اقدمها

هلا يا مرحبا ترحيب وافي ، و الوفاء ساسه
ترااحيب الوفاء . لـ ضيوفناا و اجب نعممهاا

عدد ما باان نور الصبح و اطلق طيب انفاسه
و عدد مالاحت بروق السحايب في مواسمها

تجمعنا هناا .. في محفل اللي مرتفع راسه
نواميس الوفاء والطيب . . . بفعوله تغانمهاا

هذه عبدالعزيز ابن سعيد .. العز نبراسه
يوقف ف المواقف كل ما حلت . . لوازمهاا

على عرش الفخر من سابق الايام مجلاسه
يمينه من فعول الطيب و الطاله .. مدسمها

مواقيفه طناخه .. مرجله ، تقدير .. وسياسه
كلامه نور . . و الارياا ليا ثارت .. يحكمهاا

فعوله ف الصفا تنحت يبرهنهاا .. بنوماسه
مخلدها الزمن ماهو على الامواج راسمها

مشرع باب جوده .. ماهدى نجره و محماسه
مكرم .. كل ضيفانه .. و صدقانه ، يحزمهاا

شجيع وشاعر ونشمي على الشده طغى باسه
و ناسٍ مثل ابو عزه .. عساني يوم ، معدمهاا

اذا هي بالقصايد .. موطن الجزلات ، قرطاسه
بيوته تلفت الانظار . . بـ افكاره ، . . مصممهاا

تراه العز ابو عزه . . سميي ، ، لابس لباسه ..
عسى الله يسعد ايامه .، و خطواته يسلمهاا

عسى الافراح فال اللي جهد عظمه قتل ياسه
و رب الخلق خيراته .. على خلقه .. مقسمهاا

و عدد ماهل هماال السحاب و هب نسناسه
صلاة الله .. على افضل عباد الله و اعظمهاا




**

عبدالعزيز سعيد معيتيق الجبريني الحليلي

صح لسانك .. جزلة من شاعر جزل والف مبروك لأبن سعيد وحياة سعيدة ..

يعطيك الف عافية ..

صح لسانك
شاعر مبدع

صح لسانك ي بن معيتيق مبدع في كل حالاتك

صح لسانك يالجبريني

قصيدة رائعة من شاعر اعتدنا منه الجزالة

يستاهل ابن مغلي وبيض الله وجهك
لاعدمنااااك

صح لسانكك وسلم بنانك

شاعر مبدع

صح لسانك قصيده جزله بمعنى الكلمه
ابداع وتميز شعري بيض الله وجهك
وسلم منطوقك ويستاهل عبدالعزيز
موفق ان شاء الله