حنا سليم أهل المراجل من قديمات العصور

[poem="font="simplified arabic,4,black,bold,normal" bkcolor="transparent" bkimage="./images/backgrounds/.gif" border="double,4,silver" type=2 line=0 align=center use=ex num="0,black""]ما تحجب غيوم الجهل للشمس بين الناس نور=والسابقة يعمي عيون التاليات غبارها
ومن لا يعرف الطير ما استغربت لو يشوي صقور=دايم فعول الناس تحكي خافيات أفكارها
ومن يجهل علوم العرب يقرأ عناوين السطور=لا شك تهدي للصواب أهل العقول أنظارها
أقولها وأنا بربعي بين خلق الله فخور=عن لا بتي لو يسأل التاريخ جاب أخبارها
حنَّا سليم أهل المراجل من قديمات العصور=تاريخنا في الكون صفحاته تشع أنوارها
مع سيِّد أهل الأرض في الأمجاد سجلنا حضور=في الحرب ابن مرداس والخنسا بعذب أشعارها
دايم لنا بين القبايل صيت والفعل امخبور=لا قامت الهيجا وشبت فالفتايل نارها
مثل الجبال الشم نرسي لو على متن البحور=ما همنا خوض الحروب الطاحنة وأخطارها
إليا برزنا للعدو ما تشتكي جوع النسور=صفوفنا مزن ٍ تهل الباس في مدرارها
وإن حان ميراد العرب للعد تلقانا صدور=نشرب قراح الما قبل لا يمتلي بأكدارها
هذا وأنا ما أقول في كل القبايل من قصور=وافين والله يحفظ الأمة ويجمع شارها
ويعز دولتنا ويكفيها المصايب والشرور=في ظل قادة يا عسى المولى يطيل أعمارها
آل السعود اللي ولاهم داخل القلب امعمور= قوم ٍ بطيب أفعالها حل السعد في دارها
هم فخرنا هم ذخرنا طول الليالي والشهور= رب العباد لخدمة البيت الحرام اختارها
طاعتهم أعلى أوسمة نزهى بها فوق الصدور= تفخر بطاعتهم سليم كبارها وصغارها
وختامها صلاة ربي عد ما طير ٍ يحور = واعداد ما هلت من مزون الخريف أمطارها
على النبي الهاشمي شفيعنا يوم النشور= اللي بنور رسالته عم البشر وأقطارها[/poem]

شعر الأستاذ / بندر بن عبد الولي السريحي السلمي ،

..