المحاورة التي جرت بين الشاعر محمد العطاوي والشاعر عيضة الثبيتي

اقدم لكم اليوم المحاورة القوية التي جرت بين الشاعر محمد العطاوي والشاعر عيضة الثبيتي
حيث انها كانت من اجمل المحاورات الشعرية فتلاُ ونقضاٌ
واتمنى ان تنال اعجابكم

محمد العطاوي

مرحبا ترحيبة(ن) شاملة فال وعقال
فالهـا قدامهـا والعقـال ختامهـا

يالثبيتي دور الايام من دور الليـال
والسنة محسوبـة اليالهـا وايامهـا


عيضه الثبيتي

البقاء رديةً كنّهـا نـو الخيـال
من مزونً سيلها يـدرج قدامهـا

الليال اتدور ياصاحبي مثل المحال
والسنين مجوّدين الرجال أرقامها

محمد العطاوي

كل تاجر يشترى بالجنية وبالريـال
مير بعض الناس تبلش بكثر احلامها

الفقير داخل السوق مايلقـى مجـال
وان لقيلة لقمة(ن) يبتلش في ايدامها

عيضه الثبيتي

احمد الله في يدي يالعطاوي رأس مـال
واتمشى في جنوب الديـار وشامهـا!!
ياسليم أصحابنـا فيـه علـمً مايقـال
فزعة السلمان تومي برؤوس اعلامها!!

العطاوي
مايبرك للحمول الثقال اللى الجمال
وانت جايب لك مطية تجر اخطامها

والله انا عارفين الحرام من الحلال
فزعت السلمان دايم تعز اسلامهـا

عيضة الثبيتي
المطيه وسمها وسمكم مابـه جـدال
والعرب تنظر وتكتب برؤوس أقلامها!!

يامحمد علّم سليم فـي هـاك الجبـال
العواصف يمكن تشيل نص خيامهـا!!

العطاوي
اول وثاني وثالث خناذف لاتـزال
يوم بعض الناس تمسح دموع ايتامها

انتصرنا واعتلينا وحققنـا المحـال
والصحاري متسحيلة تطول اقزامها

الثبيتي
ورابع وخامس وسادس ترى صفي رجال
للصفوف ارجالها..للظروف أحكامهـا!!

المطر يمطر علاكم سوى والسيل سـال
والهبايب فوق راسك تهـب أنسامهـا!!

العطاوي
البحر مالح شرا بة تحسبونة زلال
لين ملحة ميع اخشومكم واعرامها

الجبال النايفة سيلها غط السهـال
والجهامة شالها مابقى إلا حطامها

الثبيتي
لا تحاوص يامحمد يمين ولا شمـال
خصمة العتبان توجع كبود اخصامها!!

العبوا ياسليم ياصحابنا في كل حـال
لين حتى أم الكباير يطيح ازمامهـا!!

المطنوخ الف الف شكر لك عل نقل المحاوره

المشاركة الأصلية كتبت بواسطة بعيد الهقاوي

المطنوخ الف الف شكر لك عل نقل المحاوره

بعيد الهقاوي لاشكر على واجب ينشمي ومرورك اضافه للمشاركه

تحياتي وتقديري للجميع