أحفاد ابن منصور

#1 12-02-2009, 09:41 AM

أهدي لكم هذه القصيدة وهي بعد ما تأخروا عليه خوياي في المقناص

ليل الثلاثاء 14/12/1430هـ بعد ما شبيت ناري سمعت ذيب يعوي ورديت له بهذه الأبيات

وعلى فكره جوني خوياي والذيب باقي يعوي ممكن القصيدة ما عجبته ما يهم

أهم شي تعجبكم أنتم يا تاج راسي وأترككم مع القصيدة ..

↓

[poem=font=",6,blue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
سرحت يوم أصبح صباح أمس ومسيت = في خايع(ن) خالي من الأنس والجن
من ذيبه أتهاب البشر والعفاريت = من لا. ذَعَن قلبه من عواه يذعن
وشبيت ضوي نار من عود كبريت = حفيفها حيران زمل(ن) لها حن
من فوق أثافيها دواء الفكر سويت = كيف النشاما دلة الهيل والبن
وجرّْ العوى ذيب الخلاء ثم لديت = كنّه يقول اللي ثبا حولنا من
وجرّيت طاروقي بفكري وغنيت = أبيات شعر أجاوبه والشعر فن
أقول أنا من لابة(ن) صيتها صيت = سليم آهل فزعه وجزعه وآهل قن
وآنا فتوي يوم العزاوي تعزويت = حبش وزعب مسعّطِين المجنن
ما ظن احد يجهل رجوم الطواغيت = أحفاد ابن منصور حبس المزبن
انشتت الصفوف المعادين تشتيت = ياكم منعور(ن) من رماحنا ون
يوم النبي في غزوته طهر البيت = حنّا معه جينا نسن ارَّكب سن
تاريخنا ثبت بالأفـعال تـثـبـيـت = في صفحة أمجاد العروبة تمكن
وكل القبائل من عدن لين تكريت = نعمين في نعمين ما نخلف الظن
وهالحين ياذيب الخلاء رُد حييت = ولّا يعوّد حالك أخس والعن[/poem]

#2 12-02-2009, 01:17 PM

سرحت يوم أصبح صباح أمس ومسيت = فـي خايـع(ن) خالـي مـن الأنـس والجـن

الاخ الشاعر/ خالد العلوي
صح لسانك
المقناص والبر متعه خاصة
في هذه الايام الممطره
وسليم يستحقون المدح
لانهم اهلاً له

يعطيك العافيه

#3 12-02-2009, 02:15 PM

اخي العلوي

القصيده راائعه وجميله

لك مني كل التحيه والتقدير

اخوك

ابراهيم النقريني

#4 12-02-2009, 02:51 PM

أقول أنا من لابة(ن) صيتهـا صيـت ... سليم آهل فزعه وجزعه وآهـل قـن

شاعرنا المبدع ابن العم سلمت يالغالي ولا عدمناك
تقبل مروري

أخوك
مرسي البقيلي

#5 12-03-2009, 01:21 PM

شاعرنا حمدان بن مقحص

شاعرنا ابراهيم النقريني

أستاذنا مرسي البقيلي

صح بدنكم ومروكم أضاف على القصيدة نورق الجمال

سلمتوا والله يحفظكم

أخوكم أبو فارس العلوي