حضور مشرف لقبيلة بني سليم في حفل الشاعر الكبير مطلق النومسي

في ليله تاريخيه يوم الأربعاء ليلة الخميس الموافق 5/5/1433هـ
أحتفل الشاعر الكبير مطلق النومسي بالكويت بحفل زواجه بحضور عدد

كبير من كبار الشخصيات من الشيوخ والشعراء واعيان القبائل حيث حضرت قبيلة سليم بن منصور

ممثله في الشيخ خالد بن محمد المريني والشاعر الكبير نامي بن رفيع السلمي

والقاء الشيخ خالد بن محمد المريني كلمة باسمه وبأسم قبيلة بني سليم وقصيدة جزله ومعبره مع اهدأ سيف مطلي بماء الذهب لشاعر مطلق النومسي

قصيدة الشيخ الشاعر خالد المريني
سلام باسم سليم ابن منصور سكان الحجاز
بسم القبيله كلها بشيوخها وافرادها
قبيلة من يعرف التاريخ يعطيها امتياز
وانا ما جيت احصي فعايلها واعدامجادها
حضرت امثلهم وانا لي الفخر والاعتزاز
في حفلة اللي كل هقوة طيب ياصل مادها
مطلق ومطلق صاحب غالي من رجال عزاز
من روس وايل مجدها متوارث من اجدادها
افعالهم بين القبايل لاتهاز ولاتراز
اسياد قوم والمراجل تعترف بسيادها

قصيدة الشاعر الكبير نامي رفيع السلمي

ياضميري هات من بحر القصيد جزاله
والقصيد الجزل مثل الكيف في فنجاله
لا بدينابه يعز الروس ويكيفها
ويبهج الخاطر وتكفي دله من دلاله
مانسوقه غير للقوم الحرار الندر
الرجال اهل المواقف كاسبين الطاله
من نشدني قال منهم قلت له لاتنشد
يكفي التاريخ جاوب عن فعول ابطاله
هم بني وائل عريبين الاصل والمنسب
مجدهم بين القبائل عالين منزاله
روس قوم اسياد من عهد الزمان الماضي
والعلا صرحٍ رفيع ويعرفون رجاله
من زبنكم مايخاف وفي ذراكم يامن
قصركم قصرن عزيز وضافين بظلاله
مكرمين ضيوفكم وصدوركم منشرحه
عندكم بيت الكرم شرّع لمن ينصاله
فالجزيرة صيتكم يالاد وائل ذايع
كاسبين الاوله لاطامت العيّاله
بختصر نبذة لكم على لسان الراوي
يوم كلن وثق التاريخ طيب أفعاله
انتم اللي كاسرين الفرس يوم الهيه
وانتم اللي للصعاب الكايده حلّاله
وانتم اللي ساترين اللي لجت تنخاكم
ياعنزة ستر العذارا محتمين القاله
معركة ذي قار تشهد والسيوف الحدب
يوم فرّيس العرب رجليه وخياله
في نهار الحرب ون دحيتو الدحيه
دحتن تنبي عن سيوفن لكم قتاله
ياوسيعين الثنايا فالرخا والشدة
جاركم ينعم بخير وزلته تعفاله
يابني وايل بيوت المعرفة ماتقفل
من جهلكم والله انه لو يموت اشواله
لوكتبت معلقه فامجادكم ماوفيكم
مجدكم مجداً عريق وفعلكم يبراله
ياسلام الله عليكم ياعنزه من داني
عد نون لاح براقه وهل خياله
والسلام يعمكم وأخص به شاعركم
مطلق اللي ياعسا ليل الفرح يهناله
مطلق اللي باللسان وبالذراع موفي
كاسب الثنتين شعر ومرجله تزهاله
جيت يامطلق ومثلك يستحق نجيله
من ديار ال السعود لديرته نعناله
يابني وايل ويامطلق حضرت اهني
جيت اهنيكم بعد ولكم معاي رساله
باسم كل سليم واسم القايدي عوض الله
الامير اللي عسا ربي يديم لياله
ياعنزه لولا ضروفه ماتغيب عنكم
قال بلغ لي سلام وعذر لهل الطاله
عن سليم اهل المواقف جيت نايب عنهم
ربعي اللي مجدهم دايم فريد لحاله
اسفرت ثم أنورت واللي نصاكم نامي
شاعر من سليم يرفع للعنوز عقاله

نبارك للشاعر مطلق النومسي على زواجة

الف الف الف مبروك


وبيض الله وجيه من ذهبوا نيابة عن قبلة سليم

لقد كفوا ووفوا

شكرا خالد على الخبر

الف مليون مبروك لشاعر مطلق النومسي

وبيض الله وجيه من مثل قبيلة سليم في تلك المناسبه

والشكر موصول لمديرنا العام

على هذا الخبر السعيد

الف الف مبروك للشاعر الكبير وبالرفاهـ والبنين , والف شكر للشاعر نامي بن رفيع على الحضور والتمثيل الرائع ..

شكراً للجميع ..

\7

الله يحيي كل من حضر من قبيله سليم ونشكر الشاعر القدير نامي السلمي ولا هي غريبه على نامي الطيب خاصه وقبيله سليم عاامه .

نشكر الشاعر نامي السلمي على القصيده الشامخه وشاعر جزل لا ياتي الابالجزل .

وشكرا من الاعماق لكم جميعا . وان شاء الله قريب تنزل قصيده نامي السلمي في زواج الشاعر مطلق النومسي

والف والف والف مبروك لاخي مطلق النومسي الزواج والله يوفقه بالذريه الصالحه

وشكرا لكم يا سليم

مليوووووووون مبروك للنومسي

وصح لسان الشاعر الكبير نامي مليوووووون

والله يكثر من امثاله ويحفظهم ذخر للقبيله

وصح لسان الشيخ الشاعر خالد المريني

كلهم كفوا الله يحفظهم لنا

وفقكم الله واسعدكم في الدارين