عبد رنية يقاصد محسن الهزاني

\7

[poem=font=",6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قال الذي يبدع من القـاف تسعيـن=تسعيـن قـاف كلبوهـن علنـيـه
يا راكـب فـوق طلـق الذراعيـن=.فوقه غـلامٍ الـى ندبتـه شفنيـه
الميركـه ماهـود وشدادهـا زيـن=وخرج العقيلـي والسفايـف زهنيـه
يطوي مسير العشر في ظرف ليلين= .والليل الآخـر بالحريـق أمرحنيـه
وصبح أربعٍ تلفي بيـوت الهزازيـن=ولا جيتهـم اعقـل ذلولـك بثنيـه
هزازنـه نعـم القـروم المسمـيـنمن= سمعني في مدحهم مـا أكذبنيـه
ذباحـةٍ للحيـل ومهبـشٍ زيــن.=وماكولهم يركد علـى الكبـد هنيـه
لا جيت مجلسهم ويلاهو يطرب العين=سيف الحـرار سيوفهـم يرهبنيـه
اخص محسن شوق ضاف الدليقين=.لـولاه قـال كليـمـةٍ وازعلنـيـه
لومي على الي سامعه من زمانيـن=.وراه مـا قـاضـاه ولا اعلمنـيـه
البارحـه يقولـون ليلـة أثنـيـن=.أحـس عيونـي مالدمـوع حرقنيـه
بكيـت ولا بكـان هـمٍ ولا ديــن=.ولا لـي غريـم خايـف يذبحنـيـه
أبكي على من له على المتن قرنيـن.= سبيب شقـراء عندمـا فزعنيـه
ومجدلات أطرافها وقـم بـو عيـن=شـروا حبـالٍ شفتهـن يفتلنـيـه
ولا همني كود أنت يا مغيزل العيـن=يا بو قـرون فـوق متنـه كسنيـه
رقدت أنا وايـاه بالفـراش نيميـن=إلين حـس النـاس يـوم أقعدنيـه
أسقي من ريقه طعـم سكـرٍ زيـن=.والله وقـى ولـلا بغـى يشرقنيـه
يا محسن لو شفت مريوشة العيـن.=عفت الحريـق وجيتنـا يـم رنيـه
ما شفت سعديـه وثنـوى وثنتيـن=في روشنن محـلا حمامـه وبنيـه
ذرعـان سعديـه سـواة العراجيـن=ومشمرخـاتٍ بالـذهـب يذبحنـيـه
وجسمه كما الدهدار والين من اللين.=وخصره كما الفتخا بضبضاب حنيـه
والعنق عنق الريم بيـن الشعيبيـن=.لا شاف قناص الضحـى واجفلنيـه
وسنونها يا خوي بيـض الفناجيـل=.غـزلان صيـف عندمـا وضحنيـه
وسعديه أزين مار نصره حلا عيـن=.خواتـمٍ بيديـن نـصـره زهنـيـه
يا محسـن قلبـي تـدالاه رمحيـن=وإلا حنيـشٍ بالعـقـب ينهشنـيـه
لا تلومني يا خوي قلبي غدا ويـن=.ولو شفتهن تعـاف قصـرك وبنيـه
وان قلت لي قين فانا قين وابن قين=وإن قلـت شيـن فهـو منقعنـيـه
مار أنت يلي شوفتك تطرب العيـن.=رجليـك بالمـغـراب لا تزلقنـيـه[/poem]



ورد عليه الهزاني

إن كان عندك وحدةٍ عندنا الفين....... الطرف منهن ما نبيعه برنيـه
كان الدسم ذات ليلة يتعلل في احد مجالس.. الرجال فجاء ..مجال لقصيدة عبد
رنيه المسندة على محسن الهزاني وسأل عنها وكان الدسم
رجل مسن قد بلغ التسعين عاما وليس له مزاج في الغزل
فاعتذر وقال اسمحوا لي الليلة وسوف احضرها لكم غدا
وعندما جاء الغد كان قد احضر قصيده على قافيتها
وهو يشكي الى الله ..من الكبر.. وقلة.. الشوف
كما يتأسف ان عياله صغار فيقول

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
البارحه مـا قـرب النـوم للعيـن=عافن عيوني نومهـن واسهرنيـه
اسهر طوال الليل والناس غافيـن=ونوم الملأ يا عزوتـي حاربنيـه
سهرت واسهرني عن النوم همين=الهـم جانـي والكبـر نوخنـيـه
ما همني اللي هم شيخ الهزازيـن=اللي وصف له زينهن عبد رنيـه
هم همهم طرد البنـات المزاييـن=وانا بلايـه مـن زمانـي محنيـه
هم همهم واحد وانا همـي الفيـن=متفاختات ظعونهـم مـع ظعنيـه
عقب الصبا يا لابتي شفت انا شين=الى نويت امشي رجولي عصنيـه
ترى الصبا يا مدوريـن القوانيـن=الطيـب بـه والمرجلـه يلتقنيـه
وجدي على ايام الصبا وينهن= وينيا حلوهن يـا ليتهـن يرجعنيـه
المقفيـه عمارهـم فالهـم شيـن=راحت ليالـي عزهـم واقرشنيـه
والمقبلـه عمارهـم فالهـم زيـن=لو تفتشـون قلوبهـم تضحكنيـه
الكبر رماني مـع اثنيـن واثنيـن=وجميع الأربع من سببهن رمنيـه
لكن رمن قبلـي رجـال كثيريـن=وقلوبهم مـن زايـد الهـم طنيـه
اشوف ناس من كدرهن مطاعيـن=وانا من جملتهم حديهـن طعنيـه
شوفي قصر واطالع الزول زوليـن=والسبع مـن ترديدهـن عجزنيـه
الكبر لفواته مثـل لفـوت البيـن=ما بالصدور الـى لفـا يفرحنيـه
كبرت وعيالي بعدهـم صغيريـن=ورجلي عن رقـي العـلا هوننيـه
وقمت اكتلف من سجتي للدياويـن=وصاب الظهر من بطو الايام حنيه
عشنا مع الحيين خمسة وتسعيـن=بحساب يوم وكنهن مـا مضنيـه[/poem][/poem]

صحت آلسنتهمـ وسلمت يمين نــآإقلهــآ

مجاره جميله وأكثر من رآئعه

سلمت وسلم لنــآإ وجودك بيننآ في هذآ الصرح الشـآمخ

دمت بحفظ المولى عزوجل

قصيده في منتهى الجمال والابداع


والرد اروع واجمل صح لسان الشاعرين



ولاهنت على النقل المميز


دمت في حفظ الرحمن ورعايته

\7