ديوان الشاعر/ خالد عبد العزيز العلوي

حبيت اسولف مع هبوب الشوق بأسلوب الكبير
حسب الروايا مجريات العشق للعاشق خطر

يعني أجي بأسلوب مستهبل وبعيون الضرير
لعيون من حبيتها حب الصحاري للمطر

يمكن الاقي لي اجابه عبر موجات الأثير
تشفي وتغني عن جميع الاسئله بالمختصر

ياناشدن عني ترى فصل الروايه غير غير
عشت الحكايه مع دهاليز الحياة المستمر

كأنني عائش روايه قد كتبها شكسبير
فصولها عشق وحنين وحلم وآهات وسهر

تعبت واتعبت التعب تعبت واتعبت الضمير
حتى تأملت الامل اللي على كف القدر

لبيه ياوجه الغرام اللي تشكل من عصير
سحايبه تنثر على جملة احاسيسي مطر

لبيه ياوجه السعد لبيه ياوجه المصير
لبيه ياورد الغرام اللي تبجح بالزهر