الخمس بالخمس

معايدة جديدة

امل ان ترضي ذائقتكم

خلك بقربي تالي اليوم ثُم أمس

عندي - عسى وردك تلاقى بِصِدري


غالي علينا واستوى البن للحمس

وزان المساء من زود قدرك وقدري

عطني يمينك نلزم الخمس بالخمس

الجو هادي والهواء هب حدري

وإن كان ممنوعة كفوفك من اللمس

وش حيلتي هذي مفاتيح صدري


ما كان قصدي لا توقف عن الهمس

اسمح لنا والليل تاليه غدري


وهذا الصباح وتوها غابت الشمس

شف كيف مر الوقت من غير مدري


مدريبها هل غابت اليوم والا امس

انظر لعينك واحسب الوقت بدري


عبدالله العطافي

قصيدة ثريه وراقية
....
كثيراً ما أجد في أبياتك صوراً
تحاكي بعضاً مما يجول في النفس
أبدعت في رسم القصيده
مما زادها
تَمْ ــيـــُّــــ ز

الله الله الله


شاعرنا الكبير والقدير

عبد الله العطافي

صح لسانك حتى ترضى وبعد الرضى واذا رضيت

مصافحه في لليال العيد بفاتنه ممزوجه بالحب والوفاء

قصيدة شامخه من شاعر شامخ وهرم شعري كبير

بيض الله وجهك شاعرنا

والسكوت في حرم الجمال جمال

نتوقف هاهنا

نمر بين الفينة والأخرى لكي نرتوي أعذب الشعر والمشاعر

دمت بود

تقبل مروري وتحياتي

عميد الشعراء أبا عادل

الجزالة مرتبطة بك ارتباط قوي

وفقك الله وأسعدك في الدارين

قصيده جزله وشامخه
صح الله لسآنك وتسلم يمينك
لاهنت

اخوي عبد الله العطافي لله درك
يعلم الله اني انسجمت مع مفردات هذا النص
هنيئن لنا بماتطرح يا عبدالله

هذا الصباح وتوها غابت الشمس
شف كيف مر الوقت من غير مدري


والله قصيدة كبيرة

من راس شاعر كبيرر

صح الله لسانك وسلّم بنانك

الاخ الشاعر \ عبد الله العطافي


صح لسانك على هذا النص الذي

يحمل مفردات والفاظ جداً جميله

وصور شعريه رائعه وراقيه

بحق انه نص يحمل فن

شاعري جمالي

سلم منطوقك

صح لسانك

وكل عام وانت بصحه وسلامه

ابدعت ووفيت وكفيت

متالق كالعاده ياعبدالله

صح لسانك كلمات لها طابع خاص وابيات تأخذ ابعادا من الرؤى

سررنا بهذه الشامخه

تحياتي وتقديري