بعد ما فكرت فالدنيا الدنيئه والغرابه!!!!!

مدخل من قصيده ع 1427هـ

يالندن صباح الخير مدري مساء الخير
يالندن عجزت اعرف وش وقتي الحااالي
صحيت ..وسرير أبيض ومحلول للتخدير
وجهاز(ن) يغيّر دورة الدم طوالي
وانا قبل كنت اصحى على داعي التكبير
ولا أدري هنا (يدعون) وإلا يورا لي

اسعد الله اوقاتكم بكل خير ..
تجربه شعريه جديده تحكي واقع لم اعاني منه بفضل الله ...ولكن البعض يعاني ..الإهداء الى من طلب كتابة هذا النص..



[poem=font=",5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
هل دمع العين قلت الله ياوبل السحابه=وكل ماقلت الله الله زاد دمع العين قوه
إيه صدري ضاق عقب أنه سفك دم الرحابه=وإيه بالي ضاق ساعة عكرت دنيآه جوّه
آه ياحزني وياوجدي وياشين الكآبه=يوم أشوف أخر زمن لو يبتسم وجهه مشوّه
مارضيت إلا بشيب الرأس حيث أنه مهابه=ولا قنعت إلا بصبري يوم زاد الوقت سوّه
بعد مافكرت فالدنيا الدنيئه والغرابه=فانيه ونشوفها فأحلى عمر..عمر الفتوّه
أثرنا ماكل بيت نطوف لله في رحابه=وأثرنا ما كل من شبه (إ)له نار نشوف ضوّه
العمر كله سراب وغرنا شوفه سرابه=والحيآه اللي عليها العلم في عصر النبوه
وضعنا يشكي من الغربي ليا حرك ثيابه=وحالنا الحالي ياوجه الله مدحدر من علوّه
الليالي تختلف عن بعض لو فيها تشابه=واللبيب اللي يدل الدرب لو وقته يتوّه
وأبك أخوي اللي قبل ليله شرابي من شرابه=من تقاسم معي من حضن الأمومه والابوه
صد عني صد كني بيني وبينه حرابه=مابقى لي غير أردد بس ياليته ولوّه
كل ما أوجه ركابي يمه تقفي ركابه=وكل ما أذكر طعنة(ن) من كفه بصدر المروه
قمت أغني مثل من شاف (إ)له فارس واعتزى به=مايعرفه وإيتعزوى بالشجاعه والحموه
أخو شالح لو درى عن وجد شالح في غيابه =كان حتى وسط قبره يفخر بقو الأخوه[/poem]

مخرج :.


غصن المحبه دام يشكي فالربيع من الجفاف
لو المدامع تغرقه ماضنتي يرجع رطيب
الجو بارد والمشاعر عافت احضان اللحاف
تطرد بليل(ن) موحش ومظلم ورى ذكرى حبيب