تسجيل دخول

  #1  
قديم 05-11-2015, 02:17 PM
مقبول العرابي غير متواجد حالياً
 
تاريخ التسجيل: May 2012
الدولة: السعودية0الطائف
المشاركات: 73
افتراضي كان الزواج

كان الزواج
قصيدة للأستاذ مقبول مبارك العرابي 23-7-1436هـ
1- يقول مقبول مازلت آتذكر زواجي = أيام كان الزواج يشابه لحبة الكوع
2- المهر ثمنه معي والباقي ديون وأسلاف = هذاه غير الكساوي والقرى والمقاضي
3- وأما السهر والشقا واللي بعد لا تقل كيف = أمر من مر وأحلى من شهد في خليه
4- شهرين قبل الزواج أقوم وأطيح وأربع = وأهلي معي فالشقا في ذي وهذي وذيه
5- والعاني نروح له من عصر بقْرى وكسوات = ونقري الربع ونعد العشا في قدوره
6- القدر فوق الأثافي والحطب وشْي تحته = مافيه صالخ ولا طابخ ولا راس غازي
7- ومع طلعة الفجر كل(ن) صاير(ن)له مهمة = هذا يجهز فطور الربع فالحال خرفان
8- وذا يقض النصاص وفوق موتر ينصه = لوري ومرسدس واتبيس النشامى ملوها
9- ومزركشة من جميع جهاتها بالنوادر = تْراث من صنع ظفرات الفعل والأيادي
10- وضْحي يا ما حلى الموكب ويا حي غاليه = جينا شواحط وترحيب البلاجيك ماكف
11- والغالي استقبلوه أهل الغلا بالتراحيب = شعر وحلاوة على راسه مناثير وفلوس
12- واللبس ضافي وشغل الغالي اللي لفانا = قناع والثوب صون وحاط بالراس قرقوش
13- وحْلي فضة زمام وختم أشكال وحجول = وقلادة وهيكل ولازم وبالاذن خرصان
14- والكحل صخري على كحل الغلا والطبيعة = والكف منقوش من زود الغلا بالحناني
15- حرة وندري بها قدام نبدي وتاتي = خيالها تنطحه من فجر بالشاذلية
16- وأما نحن والمطر همال كل(ن)تعزوى = هذا يقض النصاص و ينظمه فالمجالس
17- وذول حول المثل والبوردة بالبلاجيك = والبرنو وأم الفتيل ونادرات المقاميع
18- وذاك عجل يجهز فالغدا عدة كباش = والعصر ياعانة الله والعشا حان دوره
19- وقمت أطارد عشانا من بقرنا خبشتين = وبعد كثر العنا جودتها وذْبحوها
20- ومْن العصر للعشا ونحن نجهز عشانا = والكيف داير وكهربنا فوانيس وإتريك
21- وربعنا اللي حوالينا لفونا بقهوة = سكر وشاهي وبن مزبرة فالصياني
22- وكل من هو لفا مايسر الله جا به = والكل مثل الجسد لحمة وطيب وبساطة
23- ويحين بعد العشا وقت العشا ماش تاخير = سوات من ذا الزمن في تالي الليل خلوه
24- والزير لا حن من عقب العشا قام صفين = يشوربون النمر دقلة ووقفة وتدريس
25- ويكثر الكل عند الساعة احدعش بالخير = وأودع الكل وأكمل مابقى من لزومي
26- ومْن التعب من لمحني صار يرثي لحالي = ماني كما من تزوج فالزواج الجماعي
27- الله لو كان يا عرسان ذا الوقت تدرون = باللي مضى لي ولأمثالي ومن كان قبلي
28- والله يا أهل العريس اللي بعد ماتعرفون = ما فالزواج الجماعي من فوايد وراحة
29- يالله لك الحمد كل(ن)فالجماعي تهنى = حتى العريس وهله ماهمهم كل ما كان
30- جونا سوات الضيوف وربعهم شرفوهم = قاموا بكل اللزوم أهل الغلا والشهامة
رد مع اقتباس
  #2  
قديم 06-07-2015, 12:13 AM
الـبـارودي غير متواجد حالياً
 
تاريخ التسجيل: Sep 2009
الدولة: _‗ـ-ะǁ¦ [Saudi Arabia]¦ǁะ-ـ‗_
المشاركات: 1,710
افتراضي رد: كان الزواج

_‗ـ-ǁ¦[ مقبول العرابي ]¦ǁ-ـ‗_


صـح لسانـك ويعـطيـگ العــافـيــہ
لـگ منـي أجـمــل و أروع تـحـيـــہ
لآحرمـنـي الله تواجـدگ وقصائدگ


ܢ܌ރ_ـ•−ـ_•−ـ_ •−ـ_ܢ܌ރ
رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:04 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع


دعم وتطوير استضافة تعاون