يـُـبى ـٍـآ .. شُنٌٍووٍوٍ حًيَّاإأآتـٍـٍيْ بًـلـٍّـيًٍــٍآإأاكْـٍ..!!

#40 04-30-2011, 02:32 AM

[frame="1 70"]

في ليل موته جيت انا بيوم ميلاد

طفل يتيم والبكى في عيونه

صدر عن الدنيا وانا جيت وراد

لاشك نجمه لامع وسط كونه

كني انا والحزن في وقت ميعاد

فقدت فيها غالي يذكرونه

لو يسألوني يوم انا كنت بمهاد

افز بسمه كل ماينطقونه

ياقبر وش ضميت من ذيك الاجساد

الله ياضمت ابوي الحنونه

محتاج له وادري انا عنه ببعاد

النفس بعده بالحياة مغبونه

ادوره باعايده في يوم الاعياد

لاكن تذكرت البشر يدفنونه

كان الألم في داخل الصدر يزداد

وقلبي على الوالد تصافق شجونه

اعاني الحرمان في صبر وجهاد

وانا أحمد الله والملا يشكرونه

اعاند الدنيا وانا بيتم بعناد

نفس العزيز اللي يدوس المهونه

كثر البكا بفقد العزيزين مافاد

ودمعي على خدي تسايل مزونه

ابوي ملفى للأكاريم الاجواد

الطيب ساسه كلهم يمدحونه

بالطيب ماخذها على روس الاشهاد

حر ولد حر طوال ردونه

عساه بالجنه على انهار ووراد

مقره الفردوس والله يصونه

[/frame]

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

تسجيل دخول