يالله يامنشي صدوق المخاييل

(انا لله وانا اليه راجعون)
رثاء في المغفور لها بإذن الله/نوره صالح المرزم..حرم عمي ابراهيم الصعب

ياموت لوهي بالعصي والمشاعيب...ان كان ماتقدرعلينا وتجينا
ولاتقرب اللي يحتمون الاصاعيب...وان كان ما (نوره)تروّح علينا
لكنّها من عالم السر والغيب...واللي من الله شيّ ماهو بيدينا

يالله يامنشي صدوق المخاييل

تجبر عزى قلبن فقد خير الاقراب
...
الفجر يوم السبت من تالي الليل

نجمن سميه بالكواكب لنا غاب
...
امر الولي لاصاب مافيه تبديل

شين مقدر والمقدر له اسباب
...
يارب لاتذخر لبنت الرجاجيل

يالله يامعبود ياخير الارباب
...
يارب وسع حفرة القبر بالحيل

وافتح لها بالقبر من جنتك باب
...
انت الرحيم ورحمتك تسبق الويل

ياناصرن عبده على جيش الاحزاب
...
وان جو ملايكة المحاسب مقابيل

ارفق بها في جاه طاها والاصحاب
...
وعسى لها عندك محبه وتقبيل

وتغفر لها من دون ذنبن ولاحساب
...
ياعمتي ماعاد فيها مراسيل

رحتي ضحيه للدكاتير الاجناب
...
والله ما للعبد قوّه ولاحيل

والموت ماوالله عن الموت مجناب
...
ماودنا نذكر جميع التفاصيل

نبي عيون الله على قبرك حجاب
...
وتحضين من ربك بزين المنازيل

في جنتن فيها بساتين واعناب
...
والله لو الموت ماله محابيل

ان كان ماياخذك قطاع الارقاب
...
لكن حوّل من ورى الجدي وسهيل

بامر الولي والحمد لله بماجاب
...
وحنا على مفارق غيابك معاليل

ننثر دموع الحزن والقلب منصاب
...
ننثر دموعن مثل وبل الهماليل

باسباب دمع العين حتّن الاهداب
...
لو انها بالكيف جينا مداخيل

جينا على جاهيّتن تحسب حساب
...
لكن مابالوضع هذا تساهيل

حتى ولافيها مفاخر ولا انساب
...
والموت له في كل ديره مداهيل

كم واحدن خلى الحنايا له حطاب
...
ويالله يامنشي صدوق المخاييل

تجبر عزى قلبن فقد خير الاقراب
..............................................

عبدالعزيز الصعب

والله لو الموت ماله محابيل

ان كان ماياخذك قطاع الارقاب
...
لكن حوّل من ورى الجدي وسهيل

بامر الولي والحمد لله بماجاب
...
وحنا على مفارق غيابك معاليل

ننثر دموع الحزن والقلب منصاب
...
ننثر دموعن مثل وبل الهماليل

باسباب دمع العين حتّن الاهداب
...
لو انها بالكيف جينا مداخيل

جينا على جاهيّتن تحسب حساب
...
لكن مابالوضع هذا تساهيل

حتى ولافيها مفاخر ولا انساب
...
والموت له في كل ديره مداهيل

كم واحدن خلى الحنايا له حطاب
...
ويالله يامنشي صدوق المخاييل

تجبر عزى قلبن فقد خير الاقراب

أبو بدر

أحر التعازي نبعثها لكم جميعاً

مصابكم مصابٌ لنا و ما يحزنكم أحزننا

والله مطّلع على مافي الصدور..

لا نملك سوى الدعاء فاللهم عالم الغيب و الشهاده رب كل شئٍ و مليكه
اغفر لنوره المرزم و أكرم نزلها و وسع مدخلها و أغسلها بالماء و الثلج
و البرد و نقها من جميع الذنوب و الخطايا كما ينقى الثوب الأبيض من الدنس
و أرحمنا إذا صرنا لما صارت إليه و جميع المسلمين إنك ولي ذلك و القادر عليه..

جعلها آخر الأحزان و الحمدلله على ما كان و ما سيكون..

والموت له في كل ديره مداهيل

كم واحدن خلى الحنايا له حطاب
...
ويالله يامنشي صدوق المخاييل

تجبر عزى قلبن فقد خير الاقراب

الاخ العضو/عاشق طويق الله يجبر عزاكم ويهون عليكوعلينا مصائب الدنيا

وقصيدة رثاء جمليه واسكن الله الفقيد فسيح جناته

الله يرحمها ويسكنها فسيح جناته


ابدعت اخوي عاشق رثا جميل ورائع


التحيه والتقدير

من هنا


صقر النوادر

رحمها الله وأسكنها فسيح جناته
إنا لله وإنا إليه راجعون

عظّم الله أجركم ورحم ميتكم

الله يرحمها ، ويصبر ذويها


ابيات حزينة ورثائيه جميله , نتمنى ان نقراء لك شعرا في غير هذا الغرض

مع اطيب الأماني

فهد العبيدي

إنا لله وإنا إليه راجعون
غفر الله لنورة وألهم أهلها وذويها الصبر والسلوان
صح لسانك مرثية مؤثرة
تقديري

عظم الله أجر كم
ورحم فقيدكم وأسكنها فسيح جناته

لكم كل الود

أخوكم