بقايــآ ,, حلم

مساء / صباح

الخيرات والمسرآت


هنآ بقايا حلم .. عسى ان تنآل اعجابكم





كبير أمنياتي ضآع في زحمة الآهات
عسى خير .. ياقفلة طموحي وبسماتي

وعسى خير .. ياكبت الزمن بـ/أسعد الاوقات
غموضك .! يبشر بالحزن في نهاياتي

بعثت الجروح الميته في عمآق الذات
بعد ما رميت اللوم في ظل غلطاتي

صدع جورك المرسوم يا حادي الخطوات
وأثآريه يفرض سلطته في ممرآتي

وأنا يوم أسوق الرجل في مرتع اللوعات
أجاهد بقآيآ رحلتك يا طموحاتي

لعل الصوادف بعثرتني وصرت شتات
ولعل القوادم تنحصر في معاناتي

أبقدح على وجه التباريح والعبرات
وأبطلق مفاهيم الفرح في مساحاتي

كفآ.. يارسول الجور مع مجمل الصدمات
هنآ .. بلغ المقصود كامل عباراتي

وفا .. من دعينآ وقفته فاللزوم وجات
ولكن رماني فالنهايه على ذآتي

وانا أقول ماقصرت يا ( صبر ) فالوقفات
ولو معظم الاوقات كبلت خطواتي

وألا يابقايآ حلم في تالي الجولات
دخيلك ... وش اللي صار بـ/أول محطاتي

أبا أصلك لو أبدآخلي كثرت الطعنات
ولو حطم (المقصود) كامل قناعاتي

وألا ياصعيب الرآس لاهبت السجات
عليك الله أكبر والسلام وتحياتي

شعور الصدر بالضيق لآ حرّك الزفرات
دخل ذمتك سر الحزن في كتاباتي

ولو راودك ليل السهر مره ومرات
توشح عبآة الحزن وفراشك آهاتي



تحيآتنآ

علي الدملوكي