ربي عفا عن ما سلف

[poem=font=",6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

النوم طار العام من عيني ولقاني قفاه=من يوم فارقني وراح وجفن عيني ماغفا
قطع حبال الوصل وأتعبني ووراني جفاه=وان قلت له وراك تجفا قال ما هذا جفا
قلنا عساه يعود واللي صار بغيابه كفاه=ارسلت له بعض الثقات وقال باقي ما كفا
كنا كما الاحباب في الماضي ولا ننسى وفاه=واليوم اشوفه منكر العشرة ولا عنده وفا
ان قلت ليّه الهجر قال اضرب براسك في حصاة =اختار في الصم الكبار وشوف ياكثر الصفا
أقفا وغادر والسهر بعده مسوي لي سواه=شائل علي سيوفه اللي مالها وجه وقفا
ماباقي الا أخذ سهوم الموت وأمسي له مساه=آخذ بثاري منه امام الناس والا في خفا
ثم اضربه ضربة على خشمه تنسيه الحياه=يروح مستشفى وياخذ له سنة مدة شفا
حتى يعود ويعتذر قدام عيني عن خطاه=وان قال لي ربي عفا عن ما سلف قلنا عفا
نرجع كما كنا لا يهجرني ولا نبحث خفاه=وانقول يالله تلعن الشيطان والشر انطفا[/poem]

نرجع كما كنا لا يهجرنـي ولا نبحـث خفـاه

وانقـول يالله تلعـن الشيطـان والشـر انطفـا

الشاعر عبد الله العطافي
صح لسانك قصيده جميله وابيات رائعه كعادتك
تقبل تحياتي وتقديري

الاخ صابر الصابري
مرورك اسعدني واشادتك هي شهادة افتخر بها
الله لايحرمنا منكم
تحياتي

الشاعر .. عبدالله العطافي

النوم له عنك سنه وتبيه يروح المستشفى ويأخذ سنه

صارت سنتين سو صلح وأنتهى الموضوع يكون أحسن

عموماً قصيده رائعه والله لا يحرمك النوم ياغالي

صح لسانك وعلا شانك ولا عدمناك

تقبل مروري

المشرف العزيز /عبدالعزيز البارودي
مرورك اسعدني الله لايحرمنا من توجيهاتك
اما الصلح فقد تم والحمد لله
دمت كما تحب
تحياتي

الاخ/عبدالله
صدقني ضحكت لين بغيت اموت
والله قصيدة رائعه ومادام الصلح تم الحمدلله
ياأخي انت نشمي

الشاعر عبدالله العطافي

انت مبدع كعادتك لاعدمة زولك

صح لسانك يالغالي

الله عليك..

شاعر جزل اخوي عبدالله العطآفي..

صح لسانك وسلم راسك..

لاعدمناك..

الله يلعن الشيطان
عبدالله العطافي مبدع يعطيك العافيه
تحياتي لك

[rainbow]أخي الحبيب الغالي/أبوعادل

شاعرمتمكن لله درك والتوفيق فالك

ماشاء الله عليك.قصيدة رائعة متميزة من تميز قائلها

وقصة جميلة . أتمنى أن تنتهي بالصلح والصلح خير

وإذا تحتاج فزعة أبشر بسعدك.

تقبل مروري المتواضع

ودمت في حفظ الرحمن[/rainbow]