(((تجارب شاعر)))

السلام عليكم ورحمة الله وبركاته

اخواني رواد وجمهور وشعراء واعضاء وادارة هذا الصرح الشامخ ((مجالس بني سليم))

اقدم لكم بعض محاوراتي مع كبار الشعراء وأتمنى أن تنال رضاكم

00000000000000000000000
التجربه الولى مع الشاعر / متنبي الشعرعبدالله بن شايق

عبدالله بن صنعا



بسم جمعان وخوانه وكـل القبيلـه=مرحبا عد من كبر وصلا وصامـي
ابن صنعا دليله وابن شايـق دليلـه=والقمر لاطلع فـالليل يجلا الظلامي



عبدالله بن شايق



بسم ربعن لاياركبـو بظهـر الاصيلـه=حولو بلعقيـد الـي بخشمـه عرامـي
ابن صنعا معـه مـوال طيـب ويشيلـه=يرفع الصوت من زود الطرب والغرامي


عبدالله بن صنعا



فيه حلمن صعيب وحاجتن مستحيله=بنشدك وانت ضمن مفسرين الحلامي
الله يسامحك والبس ثيـاب الجميلـه=لاتسمّع كـلام محرفيـن الكلامـي


عبدالله بن شايق



انت لاتحسب الدنيا بهلهـا طويلـه=مير جعل الشهاده هي نهايت ختامي
كل شين يهون الا اليديـن البخيلـه=مثل من قدم الخبـزه بليـا يدامـي

000000000000000000000000000
التجربه الثانيه مع الشاعرالداهيه رشيد الزلامي محاورتين ( المحاوره الاولى )

عبدالله بن صنعا




يارشيد الزلامي مابقا غير ساعـه=واللقا مايجي من بعده الا الوداعي
انتم اهل الحميه وانتم اهل الشجاعه=مير حنا وطينا فوق روس الافاعي


رشيد الزلامي



ياعميلـي توقـع وانتبـه للوقاعـه=الله انه يعينك ياالصـدور الوساعـي
القناعه تراها كنـز ويـن القناعـه=فيه نجمن صحيح وفيه نجمن صناعي



( المحاوره الثانيه )

عبدالله بن صنعا



عند شيخن فالمواقف كلبونا نعتـزي بـه=مرحبا بسم الجهيمي مرحبا بسم قحطانـي
حضروا لي ياقحطان وحضروا لي ياعتيبه=واسمعوني ياعتيبه واسمعوني ياقحطانـي


رشيد الزلامي



العلوم الطيبه بن العرب ماهـي غريبـه=البقا ياشاعرن ماشفتـه الا ذا الزمانـي
حط خطوه فوق خطوه لاتجيب لنا مصيبه=النصيحه واجبه وشوي عندي علم ثانـي


عبدالله بن صنعا



بنت ابوزيد الهلالي ماتبي شـرواك شيبـه=ماتبي غير الشباب الي جمع كـل المعانـي
وشتبي بالموت الاحمر يالزلامي وش تبي به=انتبه واخذ الحذر بيـن الدقايـق والثوانـي


رشيد الزلامي



اخذها تال الزمن ماعاد ادور لي خطيبه=ياكثر عشاقها لاكـن هطـلان الاذانـي
الدخل الطابور ولاّ خش في وسط الكتيبه=وازهم القرقاح ولا ناحر سهيل اليمانـي


عبدالله بن صنعا



يوم رحتو يا عتيبه بالرضا ولا غصيبـه=ابك حنا الحصن وانته لابعير ولاحصاني
اتعزوا باالرجال الي مواقفهـم صعيبـه=لوانا مانيب في حاجة فلان ولا فلانـي



0000000000000000000000
التجربه الثالثه مع الشاعر الحماسي / ملفي المورقي

عبدالله بن صنعا



في حفلت المسردي يامرحبا بضيوف=يقولها معـزب الضيفـان واقولهـا
ياملفي المورقي هاذا زمان الظروف=ظروف منها الجمال تنزل حمولهـا


ملفي المورقي



ابك البقا وانت شاعر جيت بين الصفوف=والا ترا العـام الاول ماتجـي حولهـا
قحطان جابو جنابيهم وجبنـا السيـوف=لاعاد تشكي من الدنيـا ومـن هولهـا


عبدالله بن صنعا



اللّي طمع بالسنام يعاف ركب الردوف=انته بعقلـك وكـل النـاس بعقولهـا
قحطان موتن حمر وانته عيونك تشوف=ياطيب ربعك عتيبه وانـت مرسولهـا


ملفي المورقي



عسى تعبنا معك يابن الحلال مخلوف=ماتوردا لسالفـه ياكـود بوصولهـا
حنا لقينا العرب مابين امانن وخوف=لاكن قحطان ياعدنـان قولـوا لهـا



00000000000000000000000000000000000
التجربه الرابعه مع الشاعر ( شاعر عبس ) / عبدالله الاشرم محاورتين
( المحاورة الأولى )

عبدالله بن صنعا



من شاعرن قامت هواجيسه كما الموج الغزير=يامرحبـا بضيوفنـا والله يحـيّـي قبالـهـا
يابوعمر وين الاداره بعـد مـاراح المديـر=ترا المشاكـل كلهـا مـن غترتـه وعقالهـا


عبدالله الاشرم



ابك البقا رديتن مصدارهـا شاعـر كبيـر=والناس نعرف وش مكاسبها وروس اموالها
هاذي تصاريف الليال الي فلكهـا يستديـر=لاعاد تشمت لك عميلـن حالتـه يرثالهـا


عبدالله بن صنعا



لاياجمل زومان ياشين الرغا بعد الهدير=وانته من اول لابركت لحملتك تشتالهـا
الشيخ طلق حرمة الرجال فاليوم الخطير=ورعانها تبكي وهي تبكي على رجالهـا


عبدالله الاشرم



لاكبرت الحمله يبا يبرك تحتها اكبر بعير=انشد رجاجيلن مع الطرقه تسوق اجمالها
مافيه شيّن مستحيل ايصير ولا مايصيـر=القاضي الي طلق الحرمه ورط في عيالها

( المحاوره الثانيه )
عبدالله بن صنعا



يابوعمر خلك معي تالـي الليـل=واعطيك عندي ياصحيبـي هديـه
انا طموحي من ورا الجدي وسهيل=وانته طموحك تحت خف المطيـه


عبدالله الاشرم



لاصرت مقبل والليالي مقابيـل=عجّـل علـى بصبّـة الشاذليـه
انته طموحك فوق يامسرج الخيل=وانا طموحي فوق ظهر العبيـه


0000000000000000000000000000000
التجربه الخامسه مع الفيلسوف / خليف بن دواس

عبدالله بن صنعا



سلام الله وانا شاعر ولي وقفه مع الشعار=سلام اقدمـه لمطيـر قاصيهـا ودانيهـا
الا ياخليف ابن دواس وينك والفلك دوار=انا بزهمك بسمك والعرب تزهم بساميهـا


خليف بن دواس



الا يامرحبا ياشاعرن سلم يعـم مطـار=ترحبّ به جميع اذكورها من دون اناثيها
تناديني وانا موجود تبغا شـر ولاخـار=عسى ربي يزينها وعسى ربي يسويهـا


عبدالله بن صنعا



تراها كلبوها من نصيبـك وانتـه المكـار=توردهـا تصدرهـا تسرحهـا تضويـهـا
عسى ربي يعينك كان طال الوقت والمشوار=تبي تكحل عيونك وانت يابو زيـد تعميهـا


خليف بن دواس



انا خابرك ياالكاهن وانا خابـرك ياالسحـار=نصيب اللي طلبها لانصيب الي عطاك ايهـا
انا تاجر واطب السوق وازعل حضرة التجار=وياكثرالبضايـع بيـن بايعـهـا وشاريـهـا
0000000000000000000000000000000000000000
التجربه السادسه
مع البدوي الشمالي الشاعر صباح الظفيري

صباح الظفيري
يالعاطفي لاتسوي مثل شارون=مايقبل الصلح شارون اليهودي
البكشف السالفه وبليس ملعون=انته يماني وانا رجلن سعودي

عبدالله بن صنعا
مانيب شارون مسلم وانت مديون=وافخر بربعي عريبين الجدودي
انته عراقي مهرب وسط كرتون=وانا سعودي وقدحي من زنودي

--------------------------------------
-----------------------------------------
----------------------------------------------
---------------------------------------------------
----------------------------------------------------------
اتمنا ان تحوز على رضاكم واستحسانكم
تقبلوتحياتي اخوكم ((عبدالله بن صنعا العاطفي))

بسم الله الرحمن الرحيم
الاخ عبدالله العاطفي بيض الله وجهك محاورات جزله من
شاعر جزل