#81
|
||||
|
||||
![]()
[frame="13 80"]
القلم والقريحة إذا بدعت الشعر طوعت الأفكار ** ما اختار منه الا السمان الصحيحة تُرضى بها اذواقٍ و تلفت لها انظار ** ما هي بلا هزلة ولاهي نطيحة منقيةٍ جزلة سليمة من العار ** مختارها لضيوف شعري ذبيحة اهل المبادي والعزيزين الأخيار ** الصادقين أهل الفعول المديحة وانا اذا جات المثايل والاشعار **أعطي لمن يبغى النصائح نصيحة وانظر لغيري نظرة إجلال واكبار** وابدي احترامي للوجيه الفليحة عندي لهم حشمة وقيمة ومقدار ** ابي مباديهم سليمة صريحة لو السلام يسود في كل الأقطار ** كان العرب من همها مستريحة لكنهم صاروا غريبين الأطوار** ما عاد تأمنهم شريحة شريحة وأقرب مثل حزب الدواعش وبشار** مستهترة- متبلدة مستبيحة حوثيهم بائر وعفاشهم - بار ** واعوانهم ناسٍ ذممهم فسيحة على وشك بارض العرب تشعل النار ** لو ما مواردها قليلة شحيحة لكنها عند أول الحزم تنهار ** ولا حصّلت غير التعب والقميحة إعصابةِ لو ما تعدت على الجار ** ما كان حَركّت القلم والقريحة |
#82
|
||||
|
||||
![]()
[frame="13 80"]
صيد الجواهر صيد الجواهر تزاحمنا علشانه كلٍ يبا الغاليه بالسعر واعتقها والبحر غدار والميدان ميدانه يا كثر ماقفى بناس وناس فرقها ما كل من جاه اخذ لؤله ومرجانه ولا كل من يطرد الاحلام حققها والرجل بين العرب مرهون بلسانه والكلمة اذا نطقها صعب يلحقها اعجب لمن يطلق حصانه ولا صانه وأعجب لمن جاب له كذبة وصدقها وأهل البلاغة تعرف الشعر وأوزانه والرجل يسمع هل الحكمة ومنطقها والشعر معروف له ناسه وفرسانه تعرف خطوطه وأشارتها ومفرقها واليوم كثرت شبابيكه وبيبانه !!! كم من صحيفة وكم جلسة وكم مقهى احدٍ يغنيه لأجل عيون عمانه واحد معانيه غربها وشرقها جمّع هجوسه وقسّمها بميزانه ولأدري على ايا بحور الشعر نمقها واكبر جريمة بحق الشعر والحانه قصايد الناس عدلها ولصقها ويقول جاته عفاريته وشيطانه أهمها في مجال الشعر واسبقها جابت له ابيات محبوكة ورنانه وانشا قصيدة ورتبها وعمّقها وأختارها للعرب في صدر ديوانه واثنى عليها ومجدها وعلقها [/frame] |
#83
|
||||
|
||||
![]()
[frame="13 80"]
جـــربـــت الاصحاب يالالي ويالاله أحــدٍ نعرفه ولا نعرف مقاصيده أحدٍ بفعله واحد صحبه على الطاله وأحدٍ بشكله واحد معجب بأناشيده وانا بطبعي وبعض الناس حياله اذا بغى شئ ذا عمه وذا سيده كنه اذا احتاج عند الناس حصاله) إن ما خذَ شئ بالحيلة خذَ بيده) اما نصب لك بجال الدرب محباله والا توهقت في صوته وتغريده واللي وعدني قبل شهرين برساله لا شفت رقمه ولا وفى مواعيده وبعد بداها لـ خلي حالته حاله اعلقه في حبال الهجر وازيده وانساه حتى ينادي الشاه ياخاله اما رجع بعدها والا مشى سيده لو ان نفسي لفعل الخير ميالة إذا سلمنا من الهرج ومقاريده ولكن يا كثر ما في الناس نقاله ومساوي الهرج في نقله وترديدة [/frame] |
#84
|
||||
|
||||
![]()
[frame="13 80"]
لي وقت وانا عليك الله مصبرني لكني اقفيت عن شرك واغنيله لا تحسب انك إذا صديت قاهرني صاحبك بالهجر ما تاصل مواصيله ما انت بواصل مداي ولا انت كاسرني ومدوّر النقص نقصه في فناجيله واخبارك اللي بها ودك تخبرني العلم عندي قبل واعرف عن تفاصيله وانا على ما قفي ماحد ٍ يغيرني والنقص ما نقبله والزود ما اشيله واقول ن يستحق العذر عاذرني واللي تركنا مكانه من دواليله ماني مدوّر عليه ولا يدورني مليت من طعنت الغدر ومكاييله اما مكانٍ إذا جيته يقدرني ولا علي احترم نفسي ولا اجيله وانا عيون التجاهل ما تصغرني والناس يازيد كلٍ من محاصيله الله خلقني وينهاني ويأمرني اصوم لأرضاه واسجد له واصلي له [/frame] |
#85
|
||||
|
||||
![]() [frame="13 80"] اخوان نورة اخوان نورة هم هل الفزعات واشهد يا زمن وأسأل فجر ستة جمادى أخر قبل تسأل رجب بعد لفا هادي وقال البارحة راحت عدن تكفى يا سلمان العرب جيتك ولي عندك طلب رُد اليمن تكفى يا اخو نورة ولو بأغلى ثمن تكفى يا سلمان العرب تكفى ياسلمان العرب قال استريح ولا يجيك هموم ما راح اليمن وابشر بمطلوبك يا ابن هادي إذا ربي كتب لك عندنا فزعة هل العوجا وميقاف وسكن ووقوفنا في صفكم ماهي علشان وحسب إخوة وجيران وسواء في سلم والا في محن ومصيرنا واحد ويربط بيننا دين ونسب نقف مع المظلوم في وجه الليال ليا قسن وتذهب فلول الشر بأذن الله وملكك ما ذهب بعد مجئك سابقات الصوت من بدري سرن بأمرة رجالٍ فالوغى ماهمهم في اطلق شنب معهم كفن بأسم علي صالح وللحوثي كفن وبأمر الله الواحد يموت الراس ويطيح الذنب واللي على اسوار المقابر يا حسين وياحسن عهد ٌعليّ اعلمه (بطش الحليم ليا غضب) أقولها وأطولها وليسمع العالم علن نتعب على شان اليمن يومين ويزول التعب وأهل الفتن ماعاد تقبلهم معاقل ذي يزن هذي اليمن لأهل اليمن جنة وللظالم لهب فيها عُرى الإيمان والحكمة ومن جاها يَمن وأهل عقيدة ناسها دايم وتربتها ذهب ماهي وطن بُوق الضلال اللي مايلقى له وطن والخاينين العهد واذناب الروافض والصلب [/frame] |
#86
|
||||
|
||||
![]() [frame="13 80"] لامني بعض المحبين بعد الراس شاب قال شايب (واكثر الشيب من قساوته ايه انا شائب وشاعر بريعان الشباب مال في سوق النقاوة واخذ نقاوته زادني شيبي رزانة وطاعة واحتساب وزاد في راسي وإنا أزيد في حفاوته ما ظلم راسي وإنا ماظلمته في الخطاب يوم غيري متعب النفس في عداوته جاء على وقته وشاهد على حل الصعاب ومن رفع مقدار شيبه عرف حلاوته كل حي يطول عمره يشيب الا الغراب ما تغيّر لون ريشه ولا شقاوته لا تعاتبني ولا لك علي مثلي عتاب قلت رأيي واقبل الرأي وألا فاوته إن لقيت الرجل صدره مثل صدر العقاب وشفت وجهه كنه النور من نقاوته اعرف انه مره الوقت في إياب وذهاب والتجارب زادت الرجل في هداوته ويعرف السنة ويحفظ ويقرأ في الكتاب ويفتخر في سلوم ربعه وفي بداوته ما نقص قدره إذا ما وجدته في السناب وعند ربعه ما نقص شئ من غلاوته يؤخذ بشوره ورأيه وله نظرة صواب وفاهم الدنيا ولا هو على عماوته وفي النوائب يعتزابه ويحسب له حساب وأكثر اصحابه تغبطه على صحاوته عبد الله العطافي [/frame] |
#87
|
||||
|
||||
![]() [frame="13 80"] العطاطيف مرحبا في حفل لابه حيها من لابة مرحبا يأهل الوفى في حلة العطافي يا ضيوفٍ شرفوا يوفون كل طلابة ياالنشاما يأهل المجد التليد الوافي في بيوت العزوة اللي نارهم شبابة عزوةٍ من قو هيبتها تقول وتافي لابةٍ فيها الشجاعة والدها والجابة والكرم والطيب والتكميل والأنصافي دعوة اللي مثلهم عند الرجال مجابة وارثين امجادهم من صفوة الاسلافي قوم عند السلم سلم وفي الحروب حرابة وردهم يشرب من العد القراح الصافي من سليم الراية الحمراء أُسود الغابة الدهاة الأولين القادة العرافي حقهم من فضل ربي ما يروح نهابة والعدو يهدونه اللبس الجديد الضافي [/frame] |
#88
|
||||
|
||||
![]() [frame="13 80"] ريشة ورسام عيّت ركاب القصيد المسرجات تروح قدام إحساسها إن المساء من حولها صمت ورتابة مع كل خطوة يفأجيها الطريق بلوم لوّام حتى غدت مع مرور الوقت خطوتها مصابة آمالها مقفية وأحلامها ما عادت أحلام ملت عبور الطريق اللي يمر بكم غابة وديارها مجدبة عطشى ضواميها من العام لا برق صوب الفياض ولا من المنشأ سحابه ملء الورق والمعاني والحروف وحبر الأقلام والبحر والقافية والوزن وسطور الكتابة ولا عاد تدري تجيها من يمن وإلا من الشام الشام فيها عصابة واليمن فيها عصابة إ الى متى لأجل خاطرها نقاوم زرع الألغام والى متى نستحث الفكر ونشد العِصابة كانت قوية عزوم وكان أملها تاج ووسام وكانت وكانت لكن أحلامها راحت نهابة تحتاج وقفة هجوس وكرنفال ومصدر الهام وإيقاف هجمة وفزعة حظ واستنفار لابة وتحتاج صحوة ضمير ورأس مال وقوة إعلام وإصلاح نية وعزم وصدق وأنصاف ورحابة وتحتاج عزوة تبدد خوفها من بحر الأوهام ومازال في صفها صفوة محبين وقرابة ويبقى الأمل عندها معقود في ريشة ورسام يقدر يحر ركاب الفكر من قيد الرقابة [/frame] |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|