طيور شلوووووى

السلام عليكم ورحمة الله وبركاته
مساء الخير وصباح الخير متواضعه
عساها تجمل ناظمها

إحذر صديق إن حال به حول ينساك
تراه راعي مصلحه وش تبابه

راعي نظاره وإن قنع منك خلاك
وطبع الحصاني ماتخاوي الذيابه

وإحذر تظيف اللي ليا جيت يشناك
ومن لايحسبك لاتحسب حسابه

تلقاه عابس وأنت مبلج محياك
موصي عياله مايفكون بابه

ماهو جليسٍ لك ولا من حلاياك
في مجلسه تلقى الطفش والكأبه

مايدري إنه لو تجمل وعشاك
ربي يعوضه مانقص من زهابه

ولو مر بك في درب راح وتعداك
مايدري إنك ماتبي من جرابه

(عيه) يدور عثرتك وإيتبلواك
مافيه درب من الردى مامشابه

وعليك باللي يعتزي عند ملفاك
مطلق حجاجه شيخ حضرة جنابه

له مجلسٍ ماينشرب فيه تنباك
ماغير عود أزرق ضيوفه حسابه

مجلس يشوقك مجلسك فيه يزهاك
والكيف جوفه يطربك في شراااابه

شيخ لعشيره لاوعدك يتحراك
الله جعل له عند خلقه مهابه

قدام تزهم راعي البيت ينصاك
ويقول قلط فالسعه والرحابه

وفنجال بريه يسوقه ليمناك
وتشبه تراحيبه ب نو السحابه

ومن بعد ساعه قلطك فوق مقراك
أنا أشهد أن طيور شلوى تشابه

ويدرج معك في خطوته عند ممشاك
بابه مشرع ما قفل يوم بابه

وعز الله أن الرجل لاجاك عناك
والظفر حطه فوق راسك عصابه

ويالمستمع كل المشاكيل شرواك
العلم جبته لك وأبرهن صوابه

( بقلمي)
نفاع الربيقي

جمل الله حالك وبيض الله وجهك ..

جميل قلمك وصح لسانك ابا ثامر ..

تحيتيـ ..

المشاركة الأصلية كتبت بواسطة عوض البقيلي

جمل الله حالك وبيض الله وجهك ..

جميل قلمك وصح لسانك ابا ثامر ..

تحيتيـ ..

الأخ الإستاذ نائب مدير عام المنتديات / عوض البقيلي
حالك مجمل ووجهك أبيض وحضورك أجمل وصح الله بدنك أبا فزاع مانعدمك يالغالي الف شكر

صح لسانك أبا ثامر وسلم منطوقك
المشرف سليم الربيقي
صح الله بدنك أبا سامر سلمت

المشرف القدير والشاعر المتألق

نفاع الربيقي

صح لسانك وبيض الله وجهك ابيات حكمة وجزالة معنى

انا اشهد ان طيور شلوى تشابه

صدقت فيما قلت

تقديري واحترامي وتقييمي للنص *****

صح الله لسانك


قصيده رااائعه

تحياتي لك

الاستاذ الشاعر القدير نفاع الربيقي ابدعت في القصيده الجزله اخذت فيها الكثير من اصناف الرجال اوضحت فيها اوصاف الرجال الطيب الكريم والعكس صح لسسانك ي شاعرنا وبيض الله وجهك

المشاركة الأصلية كتبت بواسطة عبدالله العطافي

المشرف القدير والشاعر المتألق

نفاع الربيقي

صح لسانك وبيض الله وجهك ابيات حكمة وجزالة معنى

انا اشهد ان طيور شلوى تشابه

صدقت فيما قلت

تقديري واحترامي وتقييمي للنص *****

الأخ الشاعر والمدير العام / عبد الله العطافي
صح الله لسانك وجهك أبيض شرفني حضوركم وتقييمكم المعتبر مانعدمكم يالغلي سلمت بارك الله فيك

المشاركة الأصلية كتبت بواسطة ابراهيم النقريني

صح الله لسانك


قصيده رااائعه

تحياتي لك

الاخ الشاعر إبراهيم النقريني
صح الله بدنك حضورك أروع يالغالي الف شكر

المشاركة الأصلية كتبت بواسطة صابر الصابري

الاستاذ الشاعر القدير نفاع الربيقي ابدعت في القصيده الجزله اخذت فيها الكثير من اصناف الرجال اوضحت فيها اوصاف الرجال الطيب الكريم والعكس صح لسسانك ي شاعرنا وبيض الله وجهك

الاخ مساعد المدير العام / صابر الصابري
الف شكر على التفضل والمرور صح الله لسانك ورفع الله قدرك وجهك أبيض مانعدمك يالغالي الف تحيه