مرثية الشيخ عايض عريمط السلمي

يالله يا جامـــــع شتات القبايــــــل
بعد الحروب ارحام واحباب واخـــوان

طالبك يا منشي حقــــوق المخايل
يا باسط عفوك على كل الاكــــوان

ترحم فقير لــــــــــك كثير الجمايل
يا ما عطى وانته عليــــم بالاحسان

غفرانك لعايض زعيـــــــــم الفضايل
نشهد ويشهد له على الطيب عربان

ماحط دونه فالمــــــــــواجيب حايل
يشهر كما يشهر مع الجو شيــــهان

عز الرفيــــــــــق ولاطم كل عايــل
كنه شمنصير الجبل عالي الشـــان

لو بمدحه ما اوفيت عشر الخصايل
له في سنام المجد منزل وعنــوان

يالله عساه لجـــنة الخلـــــــد طايل
ويالله عسى ققبره على روة جنان

الله يرحمه ويسكنه فسيح جناته

وشكرا لك على هذه القصيدة الرثائية المعبرة

كلنا فقدنا احد رموز القبيلة والشيخ عايض فقدة على الجميع

لاعدمناااك

اللهم اسكنه الفردوس الاعلى من الجنه
وعايض فقيدة قبيلة سليم كافه

صح لسان يارزن على هذه القصيده
المكسوه بلباس الحزن دمت مبدعاً ولاهنت

رحمه الله رحمة واسعه واسكنه فسيح جناته

وصح لسانك يا رزن على هذه القصيده