ياديرتي فرقاك ماهو بهواً لي مير القلم يكتب على غير مشهاه

جعل السحاب اللي ترزم يهلي يهل على ذيك الخشوم المنيفات


قالوا لنا الصيد في الجنوب الصيد الطيب وشدينا أوساطنا ورحنا الاسبوع الماضي لوادي رحمان في نمرة في العرضية الشمالية ورحنا للمجاردة ورحنا لبارق ، صحيح لقينا صيد لكن فرق السماء عن الارض في الطعم مالها طعم أبد على الرغم من أن النبت والاشجار الي تاكلها مثل أشجار ديرتنا بشام وظهي ولكن مثل وبارة ديار سليم مافيه .
وعلى قولة واحد من خويانا من سليم أهل الشام يقول هي تجربة أما ندمن على صيد الجنوب ومانهون عنه لين نذهبه أو توبة ماعاد نروح . والظاهر أنها توبة من الروحة للجنوب .

حياك الله ياماجد وسلامة الأسفار والله انك صادق زي وبارة ديرنا مافية أبد

لكن الدهوووور أهلكتها الله يرحمنا

وان بغيت الصيد الزين عليك بالشمال يم المدينه ولا ديرة جهينه شمال شرق ينبع ولو وصلت تبوك عاد هذا شي ثاني

انا أشوف الشمال أفضل من الجنوب كثير والمسافه نفسها

ولله يوفقك بكل طرقة

يازين وبارة الديره
والله لها طعم غير
حتى الصيد الثاني زي القماري والحجل والغطاط له طعم غييييييير
مشكور اخوي
تقبل مروري