زلت رفيق

بسم الله الرحمن الرحيم



السلام عليكم ورحمة الله وبركاته


اقدم لكم هذه القصيدة المتواضعه

واتمنى ان تحوز على رضاكم واستحسانكم



يارفيقي لا تشيل ولا تحط
زلتك عييت احصل بابها

والله انه مايجي مني غلط
يوم جاب الكلمه اللي جابها

فعلنا بين النشاما ما يغط
تشهد حضور العرب وغيابها

يوم ياتيني على الدله قلط
يطلب عيوني وحتى اهدابها

مادريت ان الوفا عندك عبط
لين بانت قصتك واكذابها

الزمن والله حاصل به لغط
الحبايب ليه تجفى احبابها

صاحبي والله من عيني سقط
كلمته يالربع ليته سابها

ودي اعرف حاجة(ن) وحده فقط
غلطتك بالله ويش اسبابها

واختتم معنى كلامي بالنقط
النشاما ماتذم اصحابها

مير هون لاتيشل ولا تحط
اقفل الدعوى وسكر بابها



وسلامتكم



تحياتي

عبدالرحمن النقريني