قصيدة البقمي

سجه مع الهاجوس طبيعتن لي = طبيعتن بموت ماجزت عنها

أشكي على الخلاق وارفع له ايدي = لاكثرت الأفـكار يفك منها

أما الكرم قد فازبه حاتم الطي= حتى الفرس منشان ضيفه طعنها

خلوني أكرم في حياتي وانا حي=ولامت مدري جثتي مـن دفنها

خلقت في الدنيا وانا مامعي شي=وبروح منهـا مامعي شي منها

مسكين ياللي تحسب الواجد شوي=والعافيه لوتنشرا وش ثمنها

ياجاهـل الدنيا تراها كما الفي= يامخبل اللي في حياته ومنها

إن ناحرت لك قامت تروح وتجي=مثل الذلول اللي طويلٍ رسنها

وإن دبرت خلتك طايح ومرمي= وكم واحدنٍ له حاجةٍ ماضمنها

لابد مانرحل عن المزح والغي=ونسكن بيـوتٍ قبلنـا من سكنها

النفس مثل الغصن عايش على الري=ولولاه كل الناس عافـت وطنها

انتقاء جميل قصيدة رائعة بوركت ولا هنت

السيف البتار


شكرا لمروركم وبيض الله وجهك