يالله يامنشي صدوق الخيالي

قـصـــيدة للشـاعــر عطــاالله اللـبيــنــــي


يالله يامنــشي صـدوق الــخيــالي
انك تجيـب الغيـث وتـربـع الـدار

تآمـر سـحابه تاخــذ من الليـالي
ثمان زايـد سـت والغيـث مـدرار

والســيل يدرج من علـوّ الجـبالي
والاوديـه تـجـري تقال انها انـهار

والعشب فوق الارض مثل الزوالي
مد النظر فالارض والارض مخضار

بـه يفرحـون اهل الديـر والحــلالي
واللي يمـر الـدار من كـل الاقـطـار

وتضبط بها الطلعات في بــرخـالي
الجـار للطـلعه ينـادي على الجــار

ويبــهرون مــعطفــات الــدلالــي
علــى السمر ناره مايشــبه لـها نار

وليا تقــهوو جــو بـذاك الـخيـــالي
ثم اطرحو راسه حكيـمين الاشوار

وبعد اصلخوه بدون شك وجــدالي
حطوه في قدر" بعـد غسله امـرار

وليا ارجعـو للمجلس ابوسـع بـالي
احد"يسولف واحد يبدع له اشعــار

هــذي بيــوتي قــلتها مــن خــيالي
هــي واقــعـــيه كـــل مـاهـــلت امــــطــار

صح لسان الشاعر عطاء الله اللبيني

قصيدة جزلة من شاعر عرف بالجزالة

الهدابي شكرا على الاختيار والنقل

تحياتي

صح لسان الشاعر عطا الله اللبيني
على هذه القصيده الرائعه
وبيض الله وجهه
شكرًا يالهدابي
على النقل
تحيه
لك

صح لسانك وسلم منطوقك شاعرنا القدير / عطاالله بن مصيون اللبيني
على هذه القصيدة الجزلة ... لافض فوك

شكراً لك أخي الهدابي على النقل الموفق.

لاعدمناااااكما.

بيض الله وجه الشاعر