قصيدة للشاعر عوض بن نامي الحجيري بمناسبة تخرج عدد من الضباط من بني سليم

#1 06-13-2008, 09:54 PM

بسم الله الرحمن الرحيم
هذه القصيدة مهداة من الشاعر عوض بن نامي الحجيري السلمي إلى الضباط المتخرجين من كلية الملك فهد الأمنية من الدورتين الدبلوم السادسة ودورة التأهيل الجامعي السابعة والثلاثون لعام 1429 هـ .

[poem=font="Simplified Arabic,5,green,bold,normal" bkcolor="white" bkimage="" border="double,10,green" type=2 line=0 align=center use=ex num="0,black"]
مرحبا بالضيوف ومرحبا بالرفاقة=عد من طاف بالكعبة وعظــم حرمها
بسم من له بهذا الحفل دور وعلاقة=من شباب القبيلة جعلني مـــا عدمها
ربعنا اللي لهم في كل مجد انطلاقة=ناس تحفـظ مباديها وتحفــظ قيمهــا
ابشارك وابارك والمراجل شفـــاقة=والنشامـــا توصلـها المعـالـي هممـها
كل خريج نهدي له من الــورد بـاقـــة=معنوية مــع اجمــل تهنئــة يستلمها
ما يحوز المــراجــل كــل حـامل بطاقة=غير من شد حيله والصعاب اقتحمها
التعلــــم تقــــدم والتكــاسـل حمــاقـــة=من تكاسل ظلم حظه ونفسـه ظلمــها
يكسب المجد من عنده على الصبر طاقة=كل من شاف فرصة سانحـة يغتنمها
من يحب الشجاعــة ويعشقهـا عشاقه=يدخــل العسكريـــة والبــلاد يخدمهـا
كم عـــــابث رجـــال الأمن شدو وثاقة=لين يمشي عدل والأنظمة يحترمهـــا
وانتــم امن الوطن درعه إذا جات فاقه=وكل خطه يتابع سيرهــا من رسمـــها
قائــد الأمـــن لا جا في العلوم اسطفاقه=نايف اللــي ليـا صعبت بـرايه حسمها
المنافــــق يعرفه لــو يغطـــي نفاقـــه=ينصر الديــن ودعــاة الضــلال يهزمها
والامن والحرس والجيش حمّاي ساقه=تحت رايـــة مليك بالشــريعـة حكمــها
مع جميع الدول حافـظ بنود الصداقـــة=ودولته مرتفع بأعظم شهــــادة علمها
وعاش ولي عهده وابعد الله فراقه=كفّه الجــود يجــري مـع لحمها ودمها
عـــدّ جيش لحفظ الدار صعب اختراقــه=والشياطين لا واقت و باقـــت رجمـها
والزعامه لهم ميراث ماهي سراقه=اسرة تنصـــر السنة وتبـــري ذممهــا
وبشر اللي بتقوى الله يزيد اشتياقه=بالسعــــادة يحققهـــا ويطعــم طعمهــا
انظم الشعر مثل الدر جوده واناقه=والقوافـــي ليـــا تمت بمســـك اختمها[/poem]