ديوان الشاعر حمدان بن عامر الشكري (ابن مقحــص)

( لوحة تهاني )
طرزي ياحروف شعري وارسمي لوحة تهاني
واكتبي بوح القصايد ياهجوسي واكتبيني

شاعرٍ يعزف من أبحور الشعر لحن واغاني
ومن بساتين الغلا يقطف ورود وياسميني

ينثر احساسه شعر وشعور وحروف ومعاني
عطرها بسمات شوق وفرحه وعيد وحنيني

يهدي من الشوق اريج من الزهر والزعفراني
تنتعش باسما التهاني واسعد اللحظات فيني

تحملة نسمات يوم العيد في ظرف الثواني
لاصدقاي وربعي الغالين في طول السنيني

يالعل العيد عايد والفرح طول الزماني
وياعساكم كل عيد وكل عامٍ سالميني
حمدان بن مقحص