مرثية في سعدي خويتم اللبيني

قصيدة رثاء مجالسيه في الأخ العزيز سعدي خويتم اللبيني رحمه الله

ياكاتب اكتب لي بيوت جميله
دعوات للي راح واخلى سبيله
خلى محبينه بليا وسيله
لعل في الجنه مقامه ومثواه

جانا الخبر فالصبح والنور بادي
حسيت بالنيران تحرق فؤاد
ولياي مثل اللي عن الدرب غادي
عزاه يافرقا الكريمين عزاه

ايامنا شالت زحول الجماعه
ماتاخذ الا اللي طويل ذراعه
ماعاد فالدنيا بعدهم طماعه
ياحر فرقاهم على القلب حراه ض

لزوم نصبر والمعاويض فالله
ونشكي الهموم اللي تتابع على الله
ونمسح دموع الحزن والشاهد الله
انا تأثرنا بموته وفرقاه

ندعي اله الكون يصلح عياله
ولو طالت الايام ما ني بداله
ماظنتي بنساه في كل حاله
لعلنا في جنه الخلد نلقاه

تم الكلام وعد وبل الغمامه
وعداد ماتم ابن ادم صيامه
صلاه ربي للرسول وسلامه
مرحوم ياحر سنافي فقدناه

شجيع بن رده الجميلي السلمي

صح لسان الشاعر شجيع على هذه المرثيه المعبره وهذا من وفاه بيض الله وجهه ورحم الله سعدي وأسكنه فسيح جناته وجميع موتى المسلمين

صح لسانه وسلمت يدك , رحمه الله رحمة واسعه ..

تحيتيـ