لا تقهويني ( الشاعر فهد الزعبي )

[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,black" type=1 line=1 align=center use=ex num="0,black"]
يانزيع الشوق ياربع الغرام الخالي=
=خلي عيني تسكب الدمعة ولا تنشدها=
لاتسألني وش بلاي ولاتسل عن حالي =
=والله اني من بعدك وضحكتي فاقدها=
خنجرك فالضلع الأقصى جعل ماله واالي=
=طعنته من ليلة الجمعة وانا جاحدها=
اتسيجج واتسلا لو ماني بسالي =
=مابي افرح عيون الشامته واسعدها=
والا انا ياوجد حالي والحمول ثقالي=
=وين أبلقا سلعة ضاعت وكيف أجدها=
كل مايممت لليمه وسقت جمالي =
=ضعت مابين أبيض النيه وبين أسودها=
الله العالم وانا عبد وضعيف الحالي=
=ماعرف غيب النفوس ولا عرف مقصدها=
وأنت ياللي كل مامريت وجيت ببالي=
=صافحت عيني ليالي ماقدرت أرقدها=
شيب عيني منك واوجدي وكسرة حالي=
=ماإهتنت بشوي حسناتك ولا واجدها=
لو ماسلمت نفسي في يديك أشوالي=
=كان ماشفتك تلف القيد وتقيدها=
ليت لي حيلة على ضعف الجهد وأحتالي=
=مير مايمدي أحل حبالها وأعقدها=
لاخذاك الزود وأقفيت وقتلت آمالي=
=لاتلفت في يدين كاسرن ساعدها=
لاتقهويني كثر خيرك وخذ فنجالي=
=يامبهر دلتك بالهجر ومقندها=
السنين قصار وايام السنين طوالي=
=ومنك ياكبر الجروح اللي معي قاصدها=
دام ذا قدر الغلا عندك وذا منزالي=
=ليه أخايل مزنة لج العرب راعدها=
رح فمان الله وأتركني هنا بلحالي=
=وإشعب ركابك على ماودك تنسدها=
والجروح اللي تجيني من يدين الغالي=
=والله إن أبطي وأنا أونس حرها وأجحدها=[/poem]