الغرا

عسى المزنه الغرا على دار ساكن فيه .. غزالاً عليه القلب منَتل بعروقه
بقدرة إلهاً من بحر جدة مسريه .. ترازم رعود المزن وتهول بروقه
ويبدأ عليه من أول الليل لَتاليه .. تِقطع ثعُوله والسحب ثابته فوقه
ويأخذ عليه الليل والي بعد قافيه .. يالين الخزامه والنفل تطلع أعذوقه
هذاك الغزال الي سبا حال ومَعنيِه .. وتشهد عليه النفس ياحلو منطوقه
لشفت البدر كامل حلفت انه يحاليه .. صحيح أنها مهره بلا أرسان مطلوقه
ألأ وا وجودي وجد حالي على طاريه .. احبه ومن زود الغلى الكبد محروقه
عسى لايمي بالحب رب البشر يبليه .. بخلن يا لين يموت من حر معشوقه
وانا مامنعني عن رهيف الحشاء لأجيه .. غير ألي حسبت أحسابها شيء ماطوقه
منعني لأجيه الدين والسَلم مانعصيه .. و لا انوي على الاسلام والدين بالبوقه
وأنا أشَفق من الضامي على ميةً ترويه .. ولا الجايع الي مشتهي الزاد ويذوقه
عسى الاش من كل العرب ياعرب تفديه .. ويفداه من لايعطي أو يأخذ حقوقه
وأنا لو كتبت معَلقه بالشعر مو فيه .. هو الي يزين لحن بيتي وطاروقه


الشاعر / عبدالرازق زاير الواصلي

مكرر يكتفى بما في ميدان الشعر

يغلق الموضوع