قصيدة اثرني احبه - حمد البريدي

.
.
.

يا عزاه .. من فرقى من تحب .. يـا عـزاه
إلى مـن خـذاه البعـد وآقفـى ولا جابـه !

اليا مات ذكره .. ( طاري الشوق ) جاء واحياه
وإلى طّروااا اسمه .. فَـز قلبـي وحيـا بـه

آسج بغرامه وإن دعوني ؟ نطقت ب/ هـاه !
وآشـوف الخمـل فعيـون ربعـي ولا اهابـه

جعله الوهم .. لا أمـوت وانـا علـى لامـاه
وأنا إن مت منه .. فآيني فوجـه مـن جابـه

يا حيه قبل يجفـى .. وحـي الوصـل حيـاه
ويا حي الطريق .. اللي حصل وآلتقينـا بـه !

أمره .. و أوقف وقفـة اللـي تحيـر خطـاه
وتصيـر النسايـم كلهـا .. ريحـة ثيـابـه

انا ما أدري غيابـه يهيـض علـى ذكـراه ؟
او أنه هـوى ذكـراه .. ويطّـري غيابـه !

احاول آسج انـي احبـه .. عسـاي أسـلاه
وعيت غلاتـن وسـط جوفـي تعـزوى بـه

غلاتـه مثـل طلبـة رفيـقٍ قبـالـة جــاه
وعيـبٍ علـي آخـون عـهـدي وطـلابـه

على رمـل قلبـي جرتـه يـوم جـر خطـاه
وعلـى كـل ضلـع لـه شخابيـط وكتـابـه

اليا جيت منطقته .. ومريـت صـوب حمـاه
لا جودت عقلي شفت روحـي علـى بابـه !

يا ليته جرحني جرح .. وآعرف ويش دواه ؟
ولا راح منـي دون مـا يـشـرح اسبـابـه

احبه .. كثـر مـا هّـل دمعـي علـى فرقـاه
واحبه .. كثر ما جابنـي الشـوق لأبوابـه !

يغيب الفـرح وازهـم علـى غيبتـه وانخـاه
لو ان الفرح .. من يوم مـا غـاب قفـا بـه

ماهو يحز فالخاطر سوى اني علـى لامـاه ؟
جروحـه خزايـن هـم .. والقلـب سردابـه

( احسـب ان قلبـي كـل مـا يبعـد بينسـاه
وأثرني احبـه .. كـل مـا زاد بغيابـه !! )

.
.
.
للشاعر / حمد بن عبدالله البريدي المري

دمتم بود??

من مطلع القصيدة


علمت بأن كاتبها شاعر من بني مره


لهم اسلوب خاص .. وكلماتهم قوية ..



حياها بحلاها ... الف شكر على النقل المميز .

حلاها بحياها
راقت لي قصيدتك
دائما متميزه

بإنتظار جديد إبداعك

نبضاتـ...