ياخــــــذ من الايااام

[poem=font="times new roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
منته مسليني بعد خاطري طاب=منك اتضايق لوتشوفك عيوني
وشلون ترّضيني وانا منك منصاب=وانته مثير الزوبعه في شجوني
خلاص ماحنا بعد هذا اصحاب=لا . لا تدخل في حياتي وشوني
انا تناسيتك مدام الوفاء غاب=ماني بشاري ناس هم ماشروني
خلك تعرف البعد وغياب الاحباب=وجرب حياتك كيف هيه بدوني
وليا أنثردمعك تحت ظل الاهداب=عض الاصابع كلها بالسنوني
واحذر تجي عندي على سدت الباب=دوّر على مثلك صغيّر ونوني
مادمت في ودك منافق وكذاب=انا اتجاهل ود من يجهلوني
من عادتي ما اقبل بخاين ونصاب=عندي يهون وكل وده يهوني
ما عاد له قيمه وحشمه وترحاب=لو كان عندي قبل هذا يموني
ارميه للايام ما احسب له حساب=ياخذ من الايام درسن جنوني[/poem]