ذكريات الماضي

عشق الصحرا جميل وفراقها مؤلم والمرور على اطلالها بعد الفراق اشد الماً
ذكريات مرت على خاطري استوقفتني كثيرا وانا في رحلة بريه فأنشدت قائلاً

[poem=font="arial,5,purple,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/47.gif" border="none,4," type=2 line=0 align=center use=ex num="0,black""]
مريت بعد الظل للظهر استدار = على الديار اللي رحل مضنونها

قادتني الصدفه لها من لاختيار = لقيتها قَفره تعج ركونها

والشجره اللي كان كاسيها الخضار = هب الهوى الغربي وحت غصونها

ماعاد فيها للطريقي من قرار = اصفق ورقها وانهزع عرجونها

يالله ياربي ترد الاعتبار = لعيون من باح الصبر مكنونها

في ظلها ليه بعد طول انتظار = ذكرى جميله تحت خُضر فنونها

لامالت الفيه على اقفاي النهار = بعد العصر حزة وعد لعيونها !!!

الجادل اللي كل مافيها وقار = اقفت ركايبها وكل ضعونها

لامن خبر عنها ولا ادري بالديار = اللي على خلي تقود مزونها[/poem]