ناقص عقلها

\7

[poem=font=",6,darkblue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/71.gif" border="none,4," type=1 line=0 align=center use=ex num="0,black""]
تعال يا بيت القصيد أصعد جبل وارقى سنود ‏=قود المعاني في بحور الشعر والا سوقها
‏ شوف القوافي جات مثل البل زينات الخدود=إذا مشت في الدرب والخيرات فوق وسوقها
أنقى معانيها وقلّبها على جمر الوقود=ان كان ودك تشتري وتبيع هذا سوقها
انا بيوت الشعر في راسي لها سقف وعمود ‏=ما بقتها يوم ان تجار القصيد تبوقها
ان جاء مجال الشعر لي قسمي ولي زايد قعود ‏=ولي هامةٍ كل العلوم الغانمة في عروقها
انا ليا جاء القيظ أورّدها على عد العدود ‏=أدلي بدلوي في غزير الماء وابل حلوقها
وامسك خطام اللي تقود الذود واعسف الشرود ‏=حتى تشنف مسمع السامع بزين طروقها
واصبها فتنة على الفتنة ليا قامت تزود ‏=اسبي ذراريها واهجّدها واخيط فتوقها
لنّي سعودي في بلاد العدل انا ماني جحود ‏=اقولها يوم ان غيري يختلف منطوقها
بعد انها قامت على الملة وحكم آل السعود ‏=من الشمال الى الجنوب وغربها وشرُوقها
ارسى قواعدها وثبتها معزي بالحدود=حدودها وحدود شرع الله تكحّل موُقها
حنا لها لن قامت الفتنة تحركها اليهود=ناطا على هامة محركها ونكسر بوُقها
شوف الفتاة تقود بالشارع عساها ما تقود=تبي لها لفة على الشاطئ وراء معشوقها
البنت هذي بنت ما تفهم ولأتخشى نقود=واللي وراها علقوها وقطعوا معلوقها
تقول مهضومة بعد عبّت حقائبها نقود=هـ البنت ناقص عقلها ما هو بنقص حقوقها
[/poem]

\7