لياعتزاء سلمان

يالحوثي اللي لك مطامع وهقوات
ال السعود قبوركم حافرتها

النصر لوح فالسماء له علامات
صقور تفرض فالسماء سيطرتها

الصبر باح ولا تفيد الوساطات
فوقك تدك صقورنا باسلحتها

ماعاد لك منها نجاه وسلامات
من بعد غنت فوقكم صافرتها

ذولا السعوديين قوم المهمات
عدوانها لو تعترضها وطتها

ليا أعتزاء سلمان مافيه رحمات
لو سلمت كل العداء أسلحتها

من بعد هذا اليوم هيهات هيهات
جتكم رجالٍ روسها محزمتها

فينا الضمير الحي مامات مامات
قواتنا جت لليمن وإحتمتها

بعد تعالت فاليمن كل الاصوات
دار العروبه تطلب مناصرتها

حنا إعتمدنا فوق رب السموات
وأنتم شياطين البشر راحلتها

أيامكم ما كلبوها سلامات
جتكم رجال خشومها عارمتها

نبي الزمن يكتب على اللوح صفحات
لأجيال تبقى راصخه ف ذاكرتها

نفاع الربيقي