يا زجاج الوقت

قصيدة قديمة اطرحها للتواصل معكم والاستفادة من ملاحظاتكم

اقول :

[poem=font="arial,6,crimson,normal,normal" bkcolor="transparent" bkimage="" border="none,4," type=2 line=0 align=center use=sp num="0,black""]
يازجاج الوقت لا تجـرح منـاي =مابقى لي شـي غيـره أرتجيـه



هو دواي اللي وقف في وجه داي = هو مصبرني على اللي ما أبيـه



أذكره لا جيت ابستجمـع قـواي =وان نسيته معطف الضعف ارتديه



ما أفرط فيه يبقـى فـي حشـاي = وان تأخر في وقوعـه باحتريـه



لاجْله امضي واترك العالم وراي =واغلق سموعي عن اقوال السفيه



السفيه اللي ضحك ساعة بـلاي = ضحكي ان حققت حلمي يكتويه



حلمي المبصر رفع عني عمـاي = واطلع عيوني على الدرب النزيه



درب حلمي في بداياتـه ضمـاي = والمخاطـر حفتـه مـن جانبيـه



فاوسطه أحـس لحظـة منتهـاي =لكن اصبر وانتظـر مـاذا يليـه؟!



لين تتساقط نجومي مـن سمـاي =نجم يسقط واخـرٍ يبكـي عليـه



معهم ابكي غير من يسمع بكـاي؟ = درب حلمي ضاقني من ضيق فيه



بعدها اقرب من وصولي مبتغاي = وانظر لقصرٍ شموخـه معتليـه



شوفته تمحو من اعماقي عنـاي = واتلهـف لاجْـل شـيٍ بلتقـيـه



شي ملكي ما هو بلحـدٍ سـواي = تاج حكم القصر احط اسمي عليه



ذاك في دنياي هو أقصى منـاي = جعلني ما موت لين اوصل إليـه [/poem]

\7

الشاعر الراقي

هشام بن بريك

نص شعري من القديم والذي اسعدتنا بطرحك الرائع له

شعر وشعور ومشاعر راقيه

صح لسانك والطيب والتألق أصلك وعنوانك

ودي وتقديري

الاخ الشاعر \ هشام بريك


صح لسانك على هذا النص العذب

الزجاجي المرهف نص يحمل صور

شعريه جميله وانتقاء للالفاظ والمفردات

وجمال معنا وقوة سبك وحبك وقافيه

تستاهل خمسة نجوم (*****)

استاذي عبدالله العطافي:
صح بدنك

مرورك رائع جدًا وإشادتك أفتخر بها

لك أجزل الود على هذه الكلمات

استاذي احمد:
صح بدنك ولا هنت

على مرورك الراقي

أسعدتني بتواجدك

شكرا لك

استاذي حمدان:

حياك الله

كلماتك تعني لي الكثير

والتقييم دافع كبييير

شكرا جزيلاً لك