▄▀ .....(ماهو خطا لاقلت ( تآمر على شيّ )) ..... ▄▀

حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه

حاولت .. لكن المحاصيل هيّ هـيّ
الطير طـار ولا بقـى الا شجرتـه

وقفّت اشوف شويّ واغمّض شـويّ
واللي انكسر في خاطـري ماجبرتـه

لين الحقت شمسي على بارد الفـيّ
وشفت ان كل اللي جمعته خسرتـه

من كثر ماعزيت ريقي عـن المـيّ
ملّ الصبر من كثر صبـر ٍ صبرتـه

كم هقوة ٍ ضاعت على سكـة الغـيّ
وكم حلم فـ( تراب ) الحقيقه قبرتـه

واقف .. وطعنات الزمن كلهـا فـيّ
وساقي لو انه كلّ منـي / كسرتـه

بعد ماعاش اليأس في احساسي الحيّ
اخوي .. لو هو صد عنـي عذرتـه

مدري عن اللي كنت احسبه بقى ليّ
اللي حزمت ابه الضلـوع وذكرتـه

اللي طوى حالي بحكم الهـوى طـيّ
قصّر .. وانا كل الطريق اختصرتـه

ماهو خطا لاقلت ( تآمر على شيّ )
الا الخطا .. لا اشتقت له وانتظرته

عجبتني ونقلتها لكم

\7

المشرف المميز/ عبد المحسن السلمي

سلمت وسلم ذوقك الشعري

شكراً على النقل

ولك تحياتي

مشرفنا الغالي

سلمت يمينك على القصييييييييييييده وعلى ذوووقك في اختيار مانقلت

لاهنت يالغالي ولا عدمنا جديدك

اكتسى متصفحي الغرور ....ولا تلموني في ذالك
فمروركم بدون تدوين شرف ،،فكيف وقد كتبتم لي ما يحملني
فوق الغيوم ويجعل فرحتي تعانق النجوم بهذا الإطراء الذي
أخجلني ..
،،
شكرٌ معطر ممتد بحجم نقائكم
إحترامي لكم