ديوان الشاعر / عبــــدالله الصــــالحي

عيـــــن راصــــــــد

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
مالي في وصلك ياهاجر مقاصد=ألاّ صداقه من ضميرٍ مخَلّص
لكن هجرك صار للوصل حاصد=مثل ماتحصد الامانه من اللّص
نظرة نظره فيك من عين راصد=لقيت ودك من هواي إتخلّص
أقولها وانا لما قلت قاصد=اليوم قدرك في ضميري تقلّص
ولو شافتك عيني ترى عنك ابا صد=صبري على هجرك من العام خلّص


[/poem]

تنويه

مخًَلّص= منقى من الضغائن والاحقاد

نــــــــور الصبــــــاح

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
اخترت لي قاف تعجبني طواريقه=ياهاجس الشعر طاوعني لا تعصاني
اجمع شتات الفكر واعيد تفريقه=لعلي القى سديد الرأي ويلقاني
هذا الزمن ياحبيبي صعب تصديقه=واكبر دليل الذي شفته بالاعياني
شفت البري بأم عيني تم تطويقه=بكل التهم فالعلن والمدعي الجاني
وشمل الحبايب اشوفه سهل تمزيقه=وشفت أقرب الناس يوم يهد بنياني
وشفت الصديق الذي ينقض مواثيقه=ويكيد ليه وانا أعدّه من اخواني
وغصن الوفا من الجفا يبست مواريقه=كأن ما كان بالاخلاص روياني
قال الزمان الذي حاولت تنطيقه=خل الحقيقه معي في طي كتماني
وراع البصيره ظلام الليل مايعيقه=ولايشوف دربه بنور الشمس عمياني
وياقرب وقت الفرج من حزة الظيقه=للي دعا في ظلام الليل رحماني
والصعب لا قدّر الله سهل تحقيقه=مع العزيمه وطولت عمر الانساني
واللي في بحر الصبر يروي معاليقه=ما يشتكي من سحابة هم واحزاني
ونور الصباح الذي بانت تباريقه=يجلى الظلام الذي خيّم له ازماني
يابايع الورد وردك عيد تنسيقه=محتاج باقه بعد نور الفجر باني
والحمد لله على فضله وتوفيقه=عداد ماهلة الما غر الامزاني
[/poem]

مشــــــــــــــــــاعر واحاسيس

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
إبتسم واطرد عن الوجه الكآبه=مال هالوجه الجميل الاّ إبتسامه
إبتسامة وجهك لقلبي رحابه=والكآبه أشوفها لقلبي ظلامه
خل صدرك روض تمطر به سحابه=وخل وجهك برق يلمع في غمامه
وخل قلبك ورد مع طفل التهابه=لمه العاشق هديه لغرامه
ولو مر بخاطرك هم ومشابه=والاّ حاول يرسل لقلبك سلامه
دوك صبر يخافه الهم ويهابه=مايبي قربه ولا يقوى خصامه
بُعدك اللي زاد في عظمه صلابه=وكبت شوقي لك هو ذروة سنامه
منك جاء صبري ولك أفك بابه=ودونك أرخص قيمته واطلق لجامه
فيك أهيم وبك انا عشقي صبابه=من يلوم القلب في عشقه وهيامه
حبي لك ماله بهالدنيا مشابه=من خِلق آدم الى يوم القيامه
[/poem]

رجّــــــــــع عقـــــــــــــالك

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
رجّع عقالك واعتدلي بمجلاس=واسمع كلام من الذهب وازنينه
ياللي شكيت من الرزايا والاتعاس=كلن يشوف اللي انكتب في جبينه
ولانت الوحيد اللي من الهم منحاس=ولاحدٍ على دنياه عنده ظمينه
شكيت لي من هم ماينصف الكاس=وشلون لو همك حمولة سفينه
انظر لمن هو بلجة الهم غطاس=ولو زاد همه مايبيح كنينه
وليا دخل قلبه من الهم وسواس=والنفس صارت للهواجس رهينه
يفزع لمن جنده على الخلق حرّاس=وامره على خلقه ينفذ بحينه
ولايعلم بحاله حسودٍ وبلاس=ولا ناس تحمل فالقلوب الظغينه
واللي سكن ياصاحبي تحت الارماس=ندعي لهم بالمغفره والسكينه
وذكره الطيب يبي منك نوماس=تعرفك به كل الرجال الرزينه
لاتحسب اللي يصير في ليل خرماس=مايعرفه ربي ولاتشوف عينه
وافهم كلام يحط لك بين الاقواس=كلن بفعله لابته عارفينه
مايغتني من تاجر بنك الافلاس=ولايظام من يرقى البروج الحصينه
وصلاة ربي عد ماهب نسناس=على محمد حسب شرعه ودينه
[/poem]

الوقت العضوض

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
أشوف برّاق الجفا من ناظرك ليه ينوض=وأشوف نجمي في سما ودّك رجع يومض وميض
ومن الجهات الاربعه اليوم يكنفك الغموض=وش غيّر أحوالك معي ياصاحبي على النقيض
وعهد الصداقه بيننا مصيون ماجاله نقوض=ونهر الوفا من قلبي المخلص عشانك مايغيض
إن كانها كبوة جواد أقول يتبعها نهوض=لكن أخاف من السليم اللي يخالط له مريض
وانا ماجندل همتي بأنيابه الوقت العضوض=ولا خدش براءتي ماخطه البنط العريض
وصبري على الشدّات ماخذته سلف والاّ قروض=جاني من الحي الكريم اللي بحر جوده يفيض
وخطّة خفافيش الظلام اللي تبي الصابر يروض=جتهم جميع بنودها من صاحب القلب البغيض
أسمع واشوف حشودهم لو كان لي طرفٍ غضوض=ورميتهم في قلوبهم بأحرّ من يوم المقيض
وبعض المعاني مذهبي يردني فيها لا خوض=نظرة عيوني للسما ماتلد عيني للحضيض
وان شالت الاقدار غالي قلت لي ربٍ يعوض=وعزّيت قلبي فالليال السود بأبيات القريض
وكلي رجا فالله لو قالولي الدنيا حضوض=اللي إنكتب للمجتهد ما تاخذه يد الحضيض
هذي هجوس اللي يخاف الله ويصلي الفروض=نطق بها لسانه لكم من طيب والنيات بيض
[/poem]

الرجل والطيب

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
أجمل سلامٍ مرسله لك يامشعل=من هاجسٍ طيب لطيب يقدم
والرجل دايم يابن الاجواد يجعل=للطيب بيتٍ في فؤاده مايهدم
ولاكل قايل طيب لطيب يفعل=وطيب الفعول إبها الرجال تقدم
والرجل لا زلة به الرجِل يزعل =وزلة لسان تخلي الرجل يندم
والرجل لا صفيت مشاريبه يعل=قدام لا صافي المشاريب يعدم
والرجل من هو بحالك الوقت يشعل=من نور فكره راي للطيب يخدم
وابعد عن اللي فعله لكبدك يعل=هذا لا تتردد على تركه أقدم
وختامها يامشعل اقول ياعل=علمي لمس قلبك مثل لمسة الدم


[/poem]

حمّال الأسى

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
لاتكدّر بالي وضاق الصدر=ورجع صبري على الشط ورسى
ومال سيل الهم يمي وانحدر=لين قلّت حيلتي بوقتٍ قسى
مارميت الياس في وجه القدر=وماضربت الحظ بياليت وعسى
ارد قلبي يم فرّاج الكدر=فالق الاصباح واطياف المسى
عالم اللي بالخفا واللي بدر=من خفوقٍ كم من الضيق احتسى
وابث له شكواي في ليلٍ غدر=واطلبه غفران ذنبٍ لي كسى
والخيال يزول عن وجه البدر=والسموم تعجل بتمر الحسا
واكتب اللي لي ورد واللي صدر=في سجل الشعر حمّال الاسى
احفظه من الخيانه والغدر=وارجع انا له اذا قلبي نسى







[/poem]

سطوة بناني

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=sp num="0,black""]
ياقلم أروى من الحبر المسال=ثم لاتشكي عليّ سطوة بناني
ولا تذمّر لو نزف الحبر طال=خلّ لون الطرس يرجع لون ثاني
واكتب ابياتٍ مثل وزن الجبال=واحلى من شهد العسل وسط المجاني
قلتها من هاجسٍ صعب المنال=بعد ماوقتي على القصيا حداني
أرعدت لي المعاني (ف) الخيال=ثم هلّت وبلها على المحاني
وأنبتت للشعر في صدري تلال=فيها من نبت النفل والاقحواني
وتخيّرت الشعر من كل جال=وقطفته من حسينات الجناني
ثم جيت اقدّم الشعر ارتجال=للرجال اللي تشوفه بالعياني
والشعر مكسب واعدّه راس مال=في لزومي لا بغيته ما عصاني
منزله عالي بقلبي ولا يزال=لو اخذ مني اقول انه عطاني
ولا نقول الشعر للناس ابتذال=ولاندور من وراه لمدح فاني
ولا عليّه من مثيرين الجدال=فالنهايه خاسرين بلارهاني
والرفيق اللي ينادي للنزال=مدري ليّ القول والا ماعناني
استحق النصح مني بكل حال=والنصيحه واجبه للمودماني
التحدي تكون للمسلم مثال=فالسماحه والتسامح والتفاني
ومعرفة فرق الحرام من الحلال=ومافرضه الله فالسبع المثاني
والعمر لحطه مثل وقت الزوال=خلها طاعه توصلك الجناني
والتحدي في جزيلات الفعال=ونصرة المظلوم ردع لكل جاني
وتذكّر لحظة فراق العيال=وساعةٍ فيها الخفا مثل البياني
والتحدي ترك منبوذ الخصال=واغتنام الخير في شهر رمضاني
ياقلم بعد انتهى الحبر المسال=انتهى ماجاك من سطوة بناني
[/poem]

ربـــاعيــــــــــــــات

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سوّيت لك من قاس الاضلاع مجداف=اركب على موج المشاعر وجدّف
واجمع من الاشواق مرجان وأصدف=واروي بها مهجة حبيبك وجدّف
وليا شكيت من الهجر شح الاهداف=صوّب على قلبي سهامك وهدّف
لكن لا تترك لقانا للاصداف=تراي عنك اصبر القلب بالدّف
[/poem]

************************************************** ***********

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مافيه شخص من العذاريب سالم=الا النبي المصطفى صفوة قريش
وكثر العتب يترك فالانفس معالم=والجرح مايبرى ليا جاه تنبيش
وقلب الحبيب لصادق العذر والم=مثل السحايب للديار المعاطيش
ويكفيك علم اللي بالاسرار عالم=عن علم يقصد به اشاعه وتشويش

[/poem]

************************************************** ****

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
مرت قريحة شعركم بي مثل غيث=مر بسحاب ومنه قطر (ن) تناثر
والشعر غيث (ن) للمشاعر ومن حيث=مامرها الاشواق فيها اتكاثر
مالوم انا جزلات صارن مجاثيث=على ركبهن عند كامل مآثر
قدوة شعر للي لياله مغاثيث=وزادها حظ (ن) للاقدام عاثر

[/poem]

************************************************** *

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لا شفت زولك قمت ارحب واهلي=واكرر الترحيب وانوّع اللفظ
وليا هرجت اخشع خشوع المصلي=وماينطق لسانك تراي احفظه حفظ
ولا قلت ابمشي دمع عيني يهلي=طاري فراقك ينفض القلب لي نفض
يغيب الفرح مع غيبتك والتسلي=وباب السعاده لو طرقته لي الرفض





[/poem]

قـصـــــــة مســــــافـر

[poem=font=",6,darkblue,normal,normal" bkcolor="transparent" bkimage="" border="none,4," type=0 line=1 align=center use=sp num="0,black""]
انا ماطرقت الباب عن مقصدي تايه=ولا وقفت اقدامي تعابا من السير
انا ماطرقت الباب وفتحه رجايه=ولا كان عندي لكثرة الطرق تبرير
انا ماطرقت الباب امارس هِوايه=ولا كان همي كله امشي مع الغير
انا جيت ابثبت للبشر انتمايه=لو ساقني للباب رب المقادير
انا جيت وشّموخي مثل نخل سايه=انا جيت والهامه تعدى شمنصير
انا جبت الامل ويّاي لسنيني الجايه=عشان اغرسه فالجرهديه نواوير
انا جيت يحدوني الامل مع خِطايه=انا جيت متوشّح ليالي معاسير
انا جيت باللفظ الصريح وكنايه=اباها تمازج مع كنايه وتصوير
انا جيت ابكتب قصتي من البدايه=على وجه غيمه من الليال المدابير
انا جيت ابحلّق شعر في سمايه=ابخلي المهموم من فرحه يطير
انا جيت ابسكب فالجداول ظمايه=انا جيت ابا هِلّ السحايب شخاتير
انا جيّتي ماهي وسيله لغايه=حتى تكانفني جميع المحاذير
لكن لقيت الكلّ تحت الوصايه=والشر مايترك صراعه مع الخير
ولقيت من يرقى بعال البنايه=مايدري ان الوقت به صبح وعصير
ولقيت من ينسج خيوط الدعايه=كبّر صغار وصغّر رجال تصغير
ولقيت من يحكم نظام الولايه=وسّع مجال البطش باسم التعازير
ياساكنين القصر ليه حكايه=تشبه فعل جسّاس مع سالم الزير
ابعرف على عيون الملا وش خطايه=لا من طلع زرعي تهب المعاصير
من يستمع منكم فصول الروايه=واشوف في وجهه لفرجها تباشير
وان كان من يسمع يخاف النكايه=اتحمّل ظهور المطايا البواكير
ويديّ مافكت تراها عصايه=ولا اطلقت من حلق ثوبي ازارير
ورجليّ مازالت بداخل حذايه=والدرب تمشيه الرجال المناعير
ومليون باب القى من اهلها عنايه =ولا باب تلقى فيه دق المسامير
ويا خالقي وحدك عليك الشكايه=اللي عيون العبد لاجلك مساهير
قصة مسافر ماوصل للنهايه=والمعذره لنخان حرفي تعابير
[/poem]