ديوان الشاعر/ عبدالوالي سعد السلمي

[poem=font="arial,7,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
البارحه والخلق كلٍ بحاله = قامت هجوس الشعر يرعد رعدها
قلت اصبري للصبح يا أُم الجزاله = ثم امطري جزل البيوت وبردها
قالت نفذ صبري وفاحت دلاله = والنّاس ما تدري عن اللي جلدها
هيّا تولّم خل عنك الكلاله = باشرح لك همومي ووثق سندها
غاب المليك اللي يظلل ظلاله = صقر العروبه في الشدايد عمدها
راع الكرم والطيب رمز العداله = هو عِز الأُمه هو سبايب رغدها
ذا خادم البيتين ماله مثاله = ذروة سنام المجد ماسك بيدها
آخذ على قلوب الأوادم وكاله = حتى تملّك عقلها مع جسدها
نسل الحكيم اللي تلو له عياله = في حِكمةٍ كل البشر تعتمدها
يالله يالمعبود رب الجلاله = تشفي لدار أهل الكرامه سعدها
ويعود أبو متعب على خير حاله = في ساعةٍ كلٍ تحرّى وعدها
الشعب كله في فرح واحتفاله = حتى الرضيعه تحتفل في مهدها
هذه مشاعر صغتها في عجاله = من صادق النيه وربي شهدها

[/poem]