من شعر الحكمة

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
من شعر الحكمة للشاعر عبد الرحمن المجذوب

لاتسرج حتي تلجم...واعقد عقدةصحيحة

لاتتكلم حتي تخمم...لا تعود عليك فضيحة

الحوت يعوم فوق الماء...و هما بلا ماء يعوموا


سوق النساء سوق مطيار...يا داخل رد بالك

يورولك من الربح قنطار...و الدرك رأس مالك

يا لي تعيط قدام الباب...عيط و كن فاهم

ما يفسد بين الاحباب...غير النساء و الدراهم

فاعل الخير هنيه...بالفرحو الشكر ديمة

و فاعل الشر خليه...فعله يرجع له غريمة

الارض فدان ربي...و الخلق مجموع فيها

عزريل حصاد فريد...مطامرها في كل جهة

كل دواي مسوس...يجيب الهليكة لرأسه

و ستهل ضرية بموس...حتي يبانوا اضراسه

ضربوه يستهل الضرب...و الطريحةمعمول عليها

هذاك من يوسع علي الناس...و نفسه يضيق عليها


رجل بلا مال محقور...في الدنيا ما يسوي شيء

المشرار كالدلو المقعور...يوصل للماءيرجع بلا شيء

نخدم علي المال و نطيح...و المال بيت الطناخة

رجل بلا مال كالريح...مشرارو حب الشياخة