موسوعة حدايا الشاعر المرحوم [ رويشد البنوي ] ..

#1 03-14-2012, 02:31 PM

السلام عليكم ورحمة الله وبركاته

مساء الخير

مما لايخفى على الجميع تميز قبيلة سليم بن منصور في نظم الحدايا [ الزومال ] على مستوى المملكة العربية السعودية والخليج ..

ولوجود شعراء كبار تميزو في هذا المجال وخصوصا الشعراء رويشد البنوي , وراشد البنوي رحمة الله عليهم فايماناً منا في جزالة طرحهم وروعة شعرهم وحداياهم التي تطلب بشكل كبير , فقد خصصنا هذا المتصفح لجمع حدايا شعرائنا المبدعين رحمة الله عليهم فليعذروني اخواني الكتاب بارك الله فيهم ولنتعاون لجمع هذا الموروث الكبير ..

[1]

سلام يا قصرين مبنية حجر صافي وصبه
ربي عمرها ساسها مبني على جسر المحبه
حكامها كلن مولم قوته لن جات نبه
واللي يطبح فالغلط خنقت شريف وعند جاحد

والثانية وش فكركم في واحدن ملزوم قبه
وليا نصحته قال اقوس اللي معه فالراس ذبه
ضلى يبيع ويشتري يوم للافراح شبه
واليوم راس المال والمكسب غدت في يوم واحد

للعضو المبدع ابو ليان السلمي على هذا الرابط :
http://www.solaim.com/vb/showthread.php?t=43275

[2]

سلام يابدن قديم الوقت يشري ويتخيّر

واليوم سيّر له سواير فالقدايم ما تسيّر

واليا نشدنا الناس قالو وقتنا بدّل وغيّر

والحق والباطل تبارى مار ما ادري من يفوز

والثانية من ينصح اللي شايل الشيك المجيّر

امجيّره مجهول ما هو كاتب اسمه ما ينيّر

والبنك ماصادق عليه وصاحبه فامره تحيّر

هذي نهاية فاعلين الخير والشيك امحجوز

للعضو المبدع الهدابي على هذا الرابط :
http://www.solaim.com/vb/showthread.php?t=43274

[3]

"]الاولة
سلام ياللي واجبه غالي على اسم بقيل كله
وليا نصاه الواجب الغصاب دايم ما يزله
وليا اشعلت روس الفتائل يحتمي صيره وحله
يشهد له التاريخ يوم يحوز خندف عن شبابه

الثانية ( لغز )
والثانية وشو ولد غالي ثمن عالي محله
يرمي سهوم الموت واللي ياصل الحروة يتله
قضوه من روس العلالي ما رضي باللي حصله
ياسرع دورات الفلك ياسرع لفه وانقلابه[]

للعضو المبدع ابو ليان السلمي على هذا الرابط :
http://www.solaim.com/vb/showthread....626#post351626

[4]

سلام ياقصرين مبنية على رسم الكروكي
في روس مال أصحابها ماهي بتقصيد البنوكي
مشرف على تصميمها لجنة ولا فيها شكوكي
على ضمان مراقب المشروع قدام الخطر
الثانية
العام يوم ان المعلم للبنى مد السلوكي
حجزت معدات المباني وأصبحت بين الشبوكي
قالو لزوم تحضر الكوشان وتجيب الصكوكي
والا تراجع مكتب التخطيط في صرف النظر

للعضو المبدع ابو ليان السلمي على هذا الرابط :
http://www.solaim.com/vb/showthread.php?t=43076

[5]

الاولة
سلام يا قصر على دفة جبل ملموم حاجي
بين الجبال النائفة دايم عليه الظل داجي
فيه الامام المعتكف عن لجة العربان لاجي
قالوا تدرج للمسيد وقال أصلي في محلي

الثانية
العام جت سيرة خطيرة من خطرها يا مناجي
وانتم عوارف والظما ما يقطعه شرب الهماجي
ضلع الهيل قضوه في سوق الحضارم للحراجي
هذا يشيل وذا يخلي با حكيم وبا مجلي

للعضو المبدع ابو ليان السلمي على هذا الرابط :
http://www.solaim.com/vb/showthread.php?t=43041

[6]

سلام ردة والدهر ميال ياصائم مصلي
وأنته تفكر فالليالي كم تشيل وكم تخلي
واللي يعرف الرشد لا يتعب وراء المال المولي
لاكنً لايسمع ولاياحي معاصي والديه

والثانيه ياريس البحرين سافر وأستقلي
عون الشريف يقول شد اليوم وأبعد عن محلي
قدام أتل القفل والمفتاح من يمناك تلي
واللي يبي يطمع حقوق الناس تؤخذ من يديه

للعضو المبدع عوض البنوي على هذا الرابط :
http://www.solaim.com/vb/showthread....D1%E6%ED%D4%CF

[7]

الاوله

ســـــــــــلام والمكيال لو يزيد عن مليه تكفى
والنـــــــور والع في بيوت العز دائم ما يطفى
والهرج شوك كبود واللي راح راح ولا يوفى
بعـد قربتك والله اقرب لو معك فالجيب عقرب

والثانيه

والثانيــــــــه ما بيح الاسرار ستر الله مضفى
لاكن ابنشدكم عن اللي ضاق في صدره وقفى
وانتـم رجال العرف والمغشوش لا بده يصفى
ما يصلح الطيب والاجرب فالقدح تأكل وتشرب

للعضو المبدع محمد زويد البقيلي على هذا الرابط :
http://www.solaim.com/vb/showthread....D1%E6%ED%D4%CF

[8]

يوم العلوم مصلبه تصليب ماهي شد قووش
اللي ينوش الناس اشوفه مايبي للناس نوش
واليا مزح جاره معه عصب ورد المزح هوش
سلام لو جار الوفاء ماينعرف مزحه وهوشه

الثانية:
ليه عميل حال دونه باب قصر وباب حوش
قدمت له فنجال صيني قال ابي فنجال بوش
له قدر فوق النار يوم تزيد ناره زاد غوش
ومعاونينه يمحشون النار لين يزيد غوشه

هذه الحدايه من حفظي ولاادري عن مناسبتها ..

[9]

سلام والأيام هذي مشيها ماينعرف له
تأخذ بصاحبها ليا نص الطريق وتنحرف له
اوما توديه المقامات العلا والا تقف له
والمسعد الي ماتقف له عند بيبان الرجا

الثانية:
وش تاجر يشكي وحاله ينوسف له
محجوز ماله في بنوك سويسرا من ينتصف له
محجوز عن الدوله العظماء وشيكه ماصرف له
وان كان راح مصادره مأجور لو سافر وجاء

هذه ايضاً من حفظي ولاادري عن مناسبتها ..

في الختام اتمنى من الجميع مشاركتنا في جمع حداياً شعرائنا المبدعين , وبارك الله في الجميع ..

تحيتيـ ..

عوض البقيلي ..

#2 03-14-2012, 02:55 PM

[10]

الزومالة هذه للشاعر رويشد البنوي رحمة الله عليه والخصم للشاعر المرحوم بأذن الله مخضور بن صاحي الراشدي البقيلي ..

الزومالة:

سلام باسم الله عظيم الشان علام الغيوب
ردة وفاء تنصى هل الماجوب والوقت محسوب
لو فيه حادي ما حادني يوم تنصاني الوجوب
مشي على القانون لو بعض العرب وده يحرفه

ليتك تفكر في نهار العرض يا راع الذنوب
اتخذ سبول الحق يوم الحق صابون القلوب
قدام تصدفلك نهار ٍ فيه غالب ومغلوب
والحق واضح للعوارف مير ما كلا ً يعرفه

الخصم

يا مرحبا عدّة خيال الصيف وتهب الهبوب
بالي ليا جت فاقته وانه ورا وقمه ينوب
ابشر بتكميل الوفاء انكان شاكيلك عزوب
والحق يرضي طالبه للي بمغرافه يغرفه

ان جيت افكر فالمعاني وافرة كل الجنوب
لكن لا تشره عليه يوم ادور لي ذهوب
امشي معك من حيث تمشي في سهل وألا نقوب
والحق في بيت الامانه ما يعاوز من يخرفه

#3 03-14-2012, 03:21 PM

\7

#4 03-14-2012, 05:37 PM

عوض البقيلي

الله يبيض وجهك

وأبشششششر بالخيييييير

#5 03-15-2012, 02:17 PM

يعطيك العافيه اخوي عوض وهذا قليل في حقهم بارك الله فيك يستاهل التقييم

#6 03-19-2012, 04:57 PM

(11)

جينا على ساير سليم اللي على الوجه النقي
مـانــي مــدّور غيــر سـايـرهـم ومن دوّر لقــي
عــداد نــوٍّ مــن خيــالــه كــل ظــامي يستقـي
ســلام ياقــصريــن كانفها حـرس لابــس مناظر

----------------------------------------------

والثـانيــه لــولا وجــوب الله وقلبـــي مشتقـي
لاقــول يانيــران شبّــي فالفتــايــل واحــرقــي
بعــديجــازى راعــي الحسنـه بسيّـه وش بقي
مـعــاد فيـه الا نبيــع ونشتـري حاظــر بحاظـــر

ودمتم بخييييييييير