~~~ ... الــــشــــــــيـــــب ...~~~

[QUOTE=عبدالله العطافي;346487]

المشاركة الأصلية كتبت بواسطة هليل سليمان السلمي

السلام عليكم ورحمة الله وبركاته

إليـكم مع التحيـة ,,

قصيدة للشاعر الكبير أخي الحبيب الغالي / عبدالله الصالحي

ومحاولة الرد عليها ومجاراتها آمل ان يتقبلها مني بصدر رحب والمعذره على القصور


قصيدة (أبو محمد)

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
الشيب حاربني على شعر راسي=وعيت ترده عني سيوف ورماح
قلت التجاهل يطرده والتناسي=والا يروح لا رأى زنودي صحاح
لكن شمل راسي بوقتٍ قياسي=واليوم في دقني وفي عارضي لاح
واكثر مايطرد عن عيوني نعاسي=علم اخذته من حديث بالاصحاح
ماخطيت في فهمه ولاني بناسي=الشيب مرسول الفنا مابه مزاح
واليا بدى طلع الثمر بالغراسي=جاها الحصاد بليل والا بالاصباح
افزع عليه يالرفيق السياسي=قدام جيش الياس للقلب يجتاح
وانته اظنك شاربٍ نفس كاسي=واهل التجارب ابخص يطب الاجراح
اشوف لون الليل للراس كاسي=ماكن زاره شيب ولا حطه مراح
اجليت عنك الشيب بامرٍ رياسي=والا طردته با شهب اللال ياصاح
والا توصلتوا لحل دبلوماسي=علمني وسرك بقلبي ماينباح
لعلي اطرد بالرجا جيشّ ياسي=واعيش باقي العمر ياخوك مرتاح

[/poem]

\7

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]

أهلاً عدد نبت السهل والرواسي=وعد النجوم وعد ما الراعبي ناح
بالشاعر اللي مالبحره مراسي=حكيم متواضع وعاشق للاصلاح
يصرف ذهب صافي ما يصرف نحاسي=وحرفه من الألماس بالنور وضّاح
ياصاحبي دنياك فصلٍ دراسي=والاخره فيها الخساير والارباح
وعُمر الفتى قوه بعدها انتكاسي=لابد نقضي مابقى صبر وكفاح
وأنا أعلم إن الموت له يوم قاسي=وماللفتى إلاماكتب له بالألواح
ماني مفصل ثوب ماهو مقاسي=أقضي حياتي بين سجده ومسباح
الله عليك أشعلت فيّ الحماسي=سبحان من يجمع على الحب الارواح
والشيب ذكّرني بلعب الكراسي=والحُر لرموز الإشارات لمّاح
الشيب مايجلاه باسك وباسي=ومااظن باقي فالعمر كثر ماراح
سهمه خطير ولايفيد احتراسي=وله بين كل الخلق مسّرى ومسْراح
والشيب بعضه من هموم ومآسي=طير السعد كنه مركب له جناح
نذير مابه ظن والا إلتباسي=هيبه . وقار . ولرذل العُمر مفتاح
وأنا لشيبان العوارض مواسي=ابشر بعزّك ياعسى أيامك أفراح
نهزم جيوش الشيب وابليس خاسي=والدين والتقوى لنا ضده سلاح


[/poem]

دمتم بكل الحب في حفظ الرحمن

الله الله الله

ابداع وامتاع قصيدة راقية من ابو محمد ذات معنى

واضح وصريح عن مرسول كلنا نعرفه وشاعرنا قراء رسالته وفهمها

وقد ابدع ايما ابداع في معناه ومبناه وسبكه وحبكه

فلله دره ولله در شاعرنا المبدع ابو عناد في المجارة التي كتبها

فهي لا تقل عن قصيدة ابو محمد

وقد ابدع في موآساة صاحبه بقصيدة راقيه وشامخة كشموخ الشاعرين المبدعين

اشكرهما على طرق هذا الموضوع والتخفيف عنهما وعن اقرانهما من هذا الأمر

وهذا الشعر الجميل الذي نبحث عنه ابداع حقيقي و(*****)

وتقبلا مروري وتقديري ومجاراتي القادمة ان شاءالله ******

شكراً مدد بلا عدد و جزاك الله خيراً على هذا المرور الغالي