ينشاف دمه من وراء الساق لونه

ايفوح ريح الطيب من كم راعيه
ابـو جــدايـل فــايـتاتٍ متـونــه

ياليـتنـي قمرا مع الليل وأضـويـه
واغيب في حضنه عن الناس دونه

ابو رموش مسـلهـمه يوم احـاكيـه
وليا مشى مشيه على الارض هونه

دمه خفيف اعروق دمه ســواقيه
ينشاف دمه من وراء الساق لونه

الله عسى مـن لامني فيـه يبـليه
وتشوف ماشافت عيوني عيونـه

مـن لهـفتي يـانـاس ودي اداريه
واخــفيه بعيـوني عـن اللي يبونه

يشـتـاق قـلبي كـل ماسـمـع طاريه
يهتز في صدري من اقصى ركونه

يـفـرح ليا مـنه سـمـعنـي انـاديـه
وافرح انا من فرحتي طحت دونه

ياناس وش يبقى علـيه واسـويـه
ويصير في كوني وانا وسط كونه

اقـسـم بربي كـل شـيٍ لسـويه
لو يحرق العالم وانا اموت دونه