من حقوق الجار

من حقوق الجار000
قصيدة للأستاذ مقبول مبارك العرابي 24-10-1434هـ


[poem=font=",6,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]



1- الله لو كل(ن)عرف ما لجاره = من الحقوق وصانها وارتكى لها
2- وش كان حال الجار والدار واللي = بالدار حل وكل من كان جالها
3- وش كان حال الجسم وأعضاه واللي = بالجسم طاب وباقة الطيب شالها
4- وش كان حال الأرض والمزن غيثه = يغشى الديار سهولها مع جبالها
5- وش كان حال المر لا عله الحلا = والقفر عقب الغيث وش لون حالها
6- يا جاهل(ن)بحقوق جارك تنبه = واحذر ترى حْقوقه وسيع(ن)مجالها
7- منها الغلا والصون والحفظ والكرم = وكف الأذى في دقها في جلالها
8- واسمح وعف وكف واصبر وكن له = عون وستر والزاهقة لاتسالها
9- وإذْنك وعينك لا تتبًع لغرته = وجوًد لسانك.حرمته لا يطالها
10- ولاتكبر وابتسم له ولاطفة = والعوج بالطيًب يطيب اعتدالها
11- ولا تبتليه بْجار موذي وجاير = ابعد عنه جيرة صعيب احتمالها
12- لو عشت فقري جارك أولى بسلعتك = وأولى بجيرة ماتقطع حبالها
13- ومما عطاك الله أعطه وواصله = وعطوى بنيك أبناه عطهم مثالها
14- ومهرتك عودها على طيب النبا = وعلى الوصل والطيب تربى عيالها
15- ترى لها فالخير والشر قدرة = كم جمعت كم فرقت حسب حالها
16- افطن لها وإن طابت اسعد وعزها = وإن غثربت ماطاب جود عقالها
17- وإن غاب جارك كون لأبناه وأسرته = أبو وأخو وأملاكه احذر همالها
18- وعند المرض ولْيا تعرض لشدة = من دون ينخى مالها إلا جمالها
19- كمًل وزور وطمًن ولا توخر = عن وقفة(ن)بالغيث همًل خيالها
20- وإن مات عز وكون بأول جنازته = وارْع الرعية لين يبدي هلالها
21- وضعفاه وأيتامه على النفس بدهم = وكن شجْرة(ن) للكل وارف ظلالها
22- هذا بعض ما الله والدين عظمه = ومن قام به خيرات ربه ينالها
23- هذي زروع الخير والعز والفخر = اللي في الدارين نجني جزالها



[/poem]

قصيدة جميلة

احتوت على وصايا قيمة

مقبول العرابي

صح لسانك والطيب فالك


واعذرني على التنسيق

تحياتي

لله درك ولا فض فوك ولا كثر حاسدوك


قصيدة جزلة فيها وصايا قيمة وهادفة


استمر وفقك الله على تألقك فإلى الأمام

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
قال العرابي احفظ احقوق جارك=جارك هوا اللي نازل(ن) حول دارك
واحرص على بره ولو كان ظارك=هاذي هيا سنت رسول الهدايه[/poem]

\7

صح الله لسانك يا مقبول العرابي روعه وتألق في حبك هذه النصيحه لله درك زدنا زادك الله من الخير وتقبل تحياتي وتقديري

مقبول العرابي لا فض فوك على هذه القصيدة التي استوحيتها من تعاليم الدين الاسلامي والهدي النبوي .

لاعدمنااااااااك

دمت بووووووود

صح لسانكك

يا مقبول العرابي .. قصيده جزله . لا عدمناكك

رائعه وموضوع رائع وصح للسانك للتطرق له ..

يعطيك الف عافيه ..

تحيتيـ ..

صح لسانك واعتلا شأنك.
أبيات رائعه .
يسعدني أن أكون بين سطور هذه الابيات .
تقبل مروري.

مقبول العرابي


فصلت حقوق الجار تفصيل دقيق


وبحرفة شاعر متمكن بيض الله وجهك


قصيده جزل تدل على جزالة شاعرها