قصيده للشاعر/ عبدالله بن محمد الثميري

#1 11-27-2007, 03:32 AM

الســــــلام عليـكـــــم ورحمة اللـــــه وبركاتـــــــــــه

يسرني ان اقدم لكم القصيده من قصائد شعراء زعـــب وهي قصيده للشاعر / عبدالله بن محمد الثميري المجذمي رحمه الله

اترككم مع القصيده التي تجسد الوفاء الحقيقي للوطن وحب المجمعه الذي تمكن في الشاعر رحمه الله :

المجمعـــــه ديـرتي مانيب ناسيهــا ****** امي ولو غبت عنها جيت ناصيها

لو غربتنا الليـالي نطرد العيشــــــه ****** هذا سفر والسفر فتره ونقضيهــــا

أشفق على المجمعـه واحب ساكنها ****** لو كنت عنها بعيد فهاجسي فيــــها

يابو محمد يابن مسنـد ويا ناصـــــر ****** انتم ربوعي وتعجبكـــــم طواريها

ودي اوصي ووصي زياد من صلبي ******وانتم شهود على تنفيـــــذ حاويهـــا

(يازياد)دور لنا قبر (برجاســــــــه) ******اشره رخيص الثمـــن والا بغاليها

لو مت (بسويسرا )ماسمح لجثمانـــي ******الا بقرب (السنيديه ) واهاليهـــــا

وقولوا لنادي هل الفيحـــا يشيعنـــــــي ****** ويقرى القصايد بعد موتي ويرويها

*************************************
(1) رجاسه : مقبره في المجمعه

(2) السنيديه : مزرعة نخيل قرب المقبره

اتمنى ان تكون القصيده قد حازت على رضاكم

اخيكم/

ابن مفحل

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

تسجيل دخول