تشجيع الضعاف

قصيده قديمه شوي لياسر التويجري اتمنى انها تنال رضاكم


ارفع درجات تشجيع الضعاف الجنون
واردى درجات بغضاء الفلوب الوداع


لاسلم الله وجيه الروم لويزعلون
ولابيض الله وجيه الداهمه والرعاع


المسلمين العرب والفرس والمسلمون
ماقاوموا ظلم شارون وبنو قينقاع


مايعرفون التوكل آآه لويعرفون
ماكان تبرك اسود الغاب قدم الضباع


شرابة المسكره بياعة الكبتاجون
اهل الحضاره مصنعة القرار المطاع


قعدت افكر وش الاعجازبالمرجفون
ولقيت نفسي على معسكر جيوش الدفاع


وذكرت بأن اخطر امراض الطغاة الدهون
تكبت على القلب وتعرقل خواص النخاع


تعيش يا راسي اللي طق ولا تهون
ياكبر دليل يؤكد صحة الاختراع


ان العواصف تجي دائم وراء السكون
والضغط دائم يولد دوي ولا اندلاع


قبل امس افكر اكون انسان اولا اكون
مليت من وجهي المطاط قبل القناع


ماكنت احسب ان تصنيفي من المارقون
حتى صعدت الطويلات الاشم الرفاع


جاهل ولا اعرف آرسطوا ولابايرون
لاكن اعرف المقفع زين وابن السباع


ماخبر اني ضحكت الا على اردى الدقون
وماخبر اني قد بكيت الابموت الشجاع


حسبي على اللي خذا قلبي وهو مايمون
اللي حداني على درب العناء والضياع


رمز الترف والرقي والهستره والمجون
صعب المنال العصي واحيان سهل البقاع


ماني بحب له لاكن لوتسمحون
خلوني ارقد على رموش العيون الوساع


حنا العرب لوصحينا نعتبر نائمون
على قدر سطونا نقدر على الانصياع

وااله مادري وش ابغى بس لا تزعلون
اردى درجات بغضاء القلوب الوداع



والمعذره

مشكور أخي العطافي

ولك ألف تحية وتقدير

وتقبل مرووري