طــالبه ربــه ومرســولــه ســريع !!!

#1 11-10-2010, 03:33 AM

بسم الله الرحمن الرحيم
السلام عليكم ورحمة الله وبركاته

هذه القصيده كتبتها عـــام 1419هـ
رثاء في والدي المرحوم بإذن الله تعالى
اسكنه الله فسيح جناته

[poem=font="arial,6,darkred,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]
يــــالله أنــي طالبــك يــا ربنـــــا=يا كــريم الـوجـــه تغفــر ذنبنـــا
وارحــم اللي قـد رحل من عندنا=طالبــه ربـه ومرسولـــه سـريـع

طالبه رب العبـــاد اللـي عطــاه=يا ولي العــرش ثبت لــه خطــاه
ما قعد لـه يـــوم فـي هذه الحيـاة=والــوداعه مـا يضيعهــا الوديـع
مــر بعد العصــر وإنـه يطلبـــه=ثم قبل الفجر ســـافــر بــه معـه
مـا نقول إلا عسـى الله يرحمــه=درب ممشـي للكبيــر وللرضيع

يوم رحنا للطــواري واسعفــوه=قــال ناده وانشده ويش اسم أبوه
واكتبــوا تقـريـر عنـه ونومــوه =وإن صوت جهازهم يقرع قريع

قلت يا دكتــور جالــه سـاعتيــن=لا نطــق كلمــه ولا نظـره بعين
يا عسى ربي يعيــن الصابريــن=شفت لمبـات الخطـر تلمـع لميع

قال لا تحزن وصدرك لا يضيق=واحمـد الله لا غريق ولا حـريق
كلنا مــاشيـن مـع هـذا الطــريق=لو يقولـون الشجيـع ابن الشجيع

والجمـاعــه يــوم رن التلفـــون=بلغــوهم ثـم جــونا يـركضـــون
كلهم حضروا وعساهم يسلمون=رجل ماله ربـع ما حظـه رفيــع

في دقــايـق وانهــم متـواجديـــن=واكنفــونا مـن يسار ومـن يميـن
يالله احفظهــم يــارب العالميـــن=فـي نهــارٍ يا عليـــم ويا سميـــع

وأحسن الجيران عندي من مطير=مـن عيـال ظويفر اللـي فيه خيـر
بالإضافـه لقصــرانا مـن عسيــر=كملــوا تكميـل مـن ســدٍ منيــــع

وازمــلايــا رآيهــم رآيٍ سـديــــد=يـوم جوني من قريب ومن بعيــد
أدوا الــواجب وقالـوا وش تريـــد=حكمة الله ماضيه فــوق الجميــع

قلت ماعندي على الرب اعتراض=لو دمــع العــين فـوق الخد فاض
اسكنــه يــا ربي جنــان الريــاض=في محلٍ من سكـن به ما يضيــع

ما بقــى لــه فـي هذا الدنيا مجال=غير مـا قـدم من الـرزق الحـلال
ثبتــــه يــا ربنــا عنــد الســـؤال=لــين حتـى للإجــابــه يـستطيـــع

من يجاوب نومته نومة عروس=مـا يفكـر في المقام وفي الجلوس
واحفظه يـا حافـظٍ كــل النفــوس=من حفظتـه عـن طـريقه ما يتيـع

يـالله اللـــي كــل خلقــك تعبـــدك=وأنت سابقــةٍ عذابــك رحمتــــك
يـالله اجمعنــي معــه فــي جنتــك=يوم يقفــون العـرب في كـل ريع

كـــان ما ربــي رحمنــا يا لطيف=فــي نهارٍ تسكنه تحت الرصيـف
ما نجا منـــا قــوي ولا ضعيـــف=كلنـــا نخطــي وحلـم الله وسيـــع

واسمحولي لن حصل مني قصور=وأطلب الغفــران مـن ربٍ غفـور
في نهـار البعث بكــره والنشـــور=تكشف الأســرار ويذيـع المذيـــع

ثم صلــوا عــد نسنـــاس الهــــوا=سنــــةٍ وآمــربهــا رب المــــــلا
للنبـــي اللــي علـى السنـة مشــــا=وافتتـــح مكــه وســافر للبقيــــع[/poem]

أخوكم عيد بن حبيب الفقيه السلمي

#2 11-10-2010, 07:34 AM

عيد بن حبيب الفقيه السلمي

مــر بـعـد العـصـر وإنــه يطـلـبـه
ثـم قبـل الفـجـر سـافـر بــه مـعـه

مـا نـقـول إلا عـسـى الله يرحـمـه
درب ممـشـي للكبـيـر وللرضـيـع

الله يرحم الوالد وجميع موتى المسلمين
قصيدة مروبعة متقنة
صح لسانك
و
بيض الله وجهك

تقديري واحترامي

#3 11-10-2010, 08:14 AM

أبو متعب الفقيه السلمي

نسأل الله أن يسكن والدنا /حبيب الفردوس الأعلى من الجنة ......

images.jpg

images2.jpg

جزاك الله خير2.jpg

#4 11-10-2010, 09:11 AM

أخي الحبيب الغالي / أبو متعب

صلى الله على نبينا محمد وعلى آله وسلم تسليماً كثيراً .

صح لسانك وسلم بنانك والطيب والتألق عنوانك

ورحم الله والدنا / حبيب . وأسكنه الفردوس الأعلى مع النبيين والصديقين والشهداء والصالحين .

ولا شك أنه من أهل الخير . والكل يشهد له بالطيب .

قصيدة جزلة من شاعر كبير متمكن ومن عمالقة شعراء بني سليم .

لله درك وأسأل الله أن يجعلها في موازين حسناتك . فالك الفردوس الأعلى .

دمت بكل الحب أخاً وصديقاً متألقاً في حفظ الرحمن

#5 11-10-2010, 10:45 AM

الشاعر الجزل المبدع ابو متعب الفقيه

اسأل الله الغفور الرحيم ان يسكن والدك الفردوس الاعلى من

الجنه

ودمت بحفظ الرحمن

#6 11-10-2010, 10:56 AM

الشاعر الجزل
ابو متعب الفقيه

قصدة جزلة ومحكمة ومتقنة رثاء الوالد

نسأل الله ان يغفر له ويسكنه الجنة

وما تقوم به من اي عمل ان الا ويدعى له بالجنة

وهذا مما يدل على رضاك لوالديك

وكم من دعوة للوالد هنا الا ولك الاجر

اللهم اغفر له وارحمه واسكنه الجنة

تحياتي